હિન્દુ ધર્મમાં સૂર્ય ભગવાનને જળ અર્પિત કરવું ખૂબ જ શુભ અને લાભકારી માનવામાં આવે છે. એવું માનવામાં આવે છે કે સૂર્યોદય સમયે સૂર્યને અર્ઘ્ય અર્પણ કરવું એ પુણ્યકર્મ છે. ધાર્મિક અને આધ્યાત્મિક દૃષ્ટિકોણ ઉપરાંત, મનોવૈજ્ઞાનિક દૃષ્ટિકોણથી પણ તેનું મહત્વ કહેવામાં આવ્યું છે. એવું માનવામાં આવે છે કે દરરોજ સૂર્ય ભગવાનને અર્ઘ્ય ચઢાવવાથી સાધકના જીવનમાં સુખ અને સમૃદ્ધિ આવે છે.
આ સિવાય સૂર્યને અર્ઘ્ય અર્પણ કરવાથી વ્યક્તિ શારીરિક રોગોથી પણ દૂર રહે છે. આવો જાણીએ સૂર્યને અર્ઘ્ય ચઢાવવાથી શું લાભ થાય છે.
- હિંદુ ધર્મમાં, સૂર્યને અર્ઘ્ય અર્પણ કરવું એ સૂર્ય ભગવાન પ્રત્યેની ભક્તિ અને કૃતજ્ઞતાના સંકેત તરીકે ગણવામાં આવે છે.વૈજ્ઞાનિક દ્રષ્ટિકોણથી,શરીરને સૂર્યપ્રકાશથી વિટામિન ડી પણ મળે છે. તેથી જ સૂર્યદેવનું મહત્વ વધુ માનવામાં આવે છે.
- સૂર્યને અર્ઘ્ય અર્પણ કરવાથી વ્યક્તિ ઉર્જાવાન બને છે,કારણકે પ્રકાશ ઉર્જાનું પ્રતિક છે,સૂર્યને અર્ઘ્ય અર્પણ કરવાથી આરચણમાં વિનમ્રતા આવે છે. એવું માનવામાં આવે છે કે નમ્રતાની આ ભાવના વ્યક્તિને જીવનમાં સફળ બનાવે છે.
- એવું માનવામાં આવે છે કે સૂર્યપ્રકાશના સંપર્કમાં રહેવાથી શરીર સ્વસ્થ રહે છે. ધાર્મિક માન્યતા અનુસાર રોજ સૂર્ય ભગવાનને અર્ઘ્ય ચઢાવવાથી વ્યક્તિનું શરીર રોગમુક્ત રહે છે. જે લોકો આ કરે છે તેમને સરળતાથી કોઈ રોગ થતો નથી.
- એવું માનવામાં આવે છે કે અર્ઘ્ય અર્પણ કરવાથી વ્યક્તિ આધ્યાત્મિક અને માનસિક બંને રીતે શુદ્ધ થાય છે. તેનાથી નકારાત્મક ઉર્જા દૂર થાય છે અને પવિત્રતાની લાગણી વધે છે.
- સૂર્યને દૈવી ઊર્જા, પ્રકાશ અને જીવનનું પ્રતીક માનવામાં આવે છે. એવું માનવામાં આવે છે કે પૃથ્વી પર જીવન જાળવવામાં સૂર્ય મહત્વપૂર્ણ ભૂમિકા ભજવે છે. આવી સ્થિતિમાં, અર્ઘ્ય અર્પણ કરીને તેમના પ્રત્યે કૃતજ્ઞતા વ્યક્ત કરવાનો એક માર્ગ માનવામાં આવે છે.
(નોંધ : અહીં આપવામાં આવેલી માહિતી ધાર્મિક માન્યતાઓ અને જાહેર માન્યતાઓ પર આધારિત છે, તેના માટે કોઈ વૈજ્ઞાનિક પુરાવા નથી. સામાન્ય જનતાના હિતને ધ્યાનમાં રાખીને અહીં રજૂ કરવામાં આવી છે.)
