ભારતમાં બધા પરિવાર સાથે સારી રીતે રહેવા ઈચ્છે છે. સંયુક્ત પરિવાર તરીકે રહેવાથી પરિવારમાં પ્રેમ ભાવ વધે છે જયારે ઘણી વખત પરિવારના સભ્યો વચ્ચે લડાઈ ઝગડા થવા લાગે છે. પરિવારમાં કહલના કારણે તમામ સભ્યોએ સમસ્યાનો સામનો કરવો પડે છે. ઘરમાં કલેશના કારણે માતા લક્ષ્મી નારાજ થઇ જાય છે. જો તમારા ઘરમાં પણ લડાઈ ઝગડા થવા લાગે છે અને તણાવનો માહોલ બને છે. તમે આ જ્યોતિષી ઉપાય કરી ઘરમાં સુખ શાંતિ લાવી શકો છો.
ઘરમાં ઝઘડાને કારણે નાની નાની વાત પર તણાવની સ્થિતિ સર્જાય છે. વિખવાદના કારણે પરિવારના સભ્યોને શારીરિક, માનસિક અને આર્થિક રીતે સહન કરવું પડે છે. પિતૃદોષ અને દિશાઓને કારણે ઘરમાં વિખવાદ થાય છે. આવો વિખવાદને દૂર કરીને સુખ-શાંતિ માટે લેવાના ઉપાયો વિશે જણાવીએ.
પતિ-પત્ની અને ઘરના અન્ય સભ્યો વચ્ચે પરસ્પર ઝઘડો થાય છે. જો પડોશીઓ સાથે પણ તણાવ હોય તો સવારે તેને મીઠાના પાણીથી પોતું કરવું જોઈએ. આ ઉપાય કરવાથી નકારાત્મક ઉર્જા દૂર થાય છે. આ ઉપાયથી વાસ્તુ દોષ પણ દૂર થાય છે. જો કે, તમારે આ ઉપાય ગુરુવાર અને શુક્રવારે ન કરવો જોઈએ, તેની અશુભ અસર થાય છે.
વ્યક્તિની કુંડળીમાં ગ્રહો અને નક્ષત્રોના પ્રભાવને કારણે ઘરેલું કલહ અને વિવાદ થાય છે. નવગ્રહની પૂજા કરવાથી પરિવારમાં સુખ-શાંતિનું વાતાવરણ જળવાઈ રહે છે અને પરિવારના સભ્યોની પ્રગતિ થાય છે.
અમાસ અને શ્રાદ્ધ દરમિયાન પિતૃઓને ભોજન કરાવવું જોઈએ. પિતૃઓની પૂજા કરવાથી પરિવારમાં સુખ-શાંતિ રહે છે અને મતભેદ દૂર થાય છે.
પરિવારમાં પતિ-પત્ની વચ્ચે અવારનવાર ઝઘડા થતા રહે છે. તેનાથી છુટકારો મેળવવા માટે પત્ની રાત્રે ઓશીકા નીચે કપૂર રાખીને સૂઈ જાય છે અને સવારે તેને સળગાવીને તેની રાખ પાણીમાં વહાવી દે છે. આ ઉપાય બંનેના સંબંધને મજબૂત બનાવે છે.
ઘરમાંથી કલેશ અને તણાવ દૂર કરવા માટે હનુમાનજીની પૂજા કરવી જોઈએ. સવાર-સાંજ હનુમાનજીની સામે પાંચમુખી દીવો પ્રગટાવવાથી ઘરમાં સુખ-શાંતિ રહે છે. આ કારણે પરિવારના સભ્યોનું સ્વાસ્થ્ય પણ સારું રહે છે.
(નોંધ: અહીં આપવામાં આવેલી માહિતી ધાર્મિક માન્યતાઓ અને જાહેર માન્યતાઓ પર આધારિત છે, તેના માટે કોઈ વૈજ્ઞાનિક પુરાવા નથી. સામાન્ય જનતાના હિતને ધ્યાનમાં રાખીને અહીં રજૂ કરવામાં આવી છે.)
