આમ તો વિશ્વ પ્રસિદ્ધ કેદારનાથ મંદિર ઉત્તરાખંડમાં સ્થિત છે, જેનો રસ્તો ઘણો મુશ્કેલ છે. પરંતુ જે ભક્ત કેદારનાથ નથી જઈ શકતા તેઓ જયપુરમાં સ્થિત કેદારનાથ મંદિરમાં ભગવાન શિવની આરાધના કરી શકે છે. આ મંદિરના રસ્તા ઘણા મુશ્કેલ છે. સાથે જ આ મંદિર લગભગ 1000 ફૂટ ઉપર પહાડ પર છે.
એક હજાર વર્ષ જૂનું છે મંદિર
જયપુરના જગતપુરાના ખો નાગોરીયાનમાં સ્થિત રહસ્યમયી મંદિર ભગવાન કેદારનાથ શિવ મંદિર જે અરાવલી પર્વતમાળાની લીન્ની હિલ પર લગભગ 1000 ફૂટ ઉપર જયપુરના સૌથી ઊંચું અને લગભગ 1000 વર્ષ જૂનું મંદિર છે.
આ મંદિર ચારે બાજુથી પહાડોથી ઘેરાયેલું છે. અહીંના મનમોહક દ્રષ્યો ભક્તોને ભોલેનાથ સુધી લઇ આવે છે.
ઉત્તરાખંડ કેદારનાથ મંદિર વાળા કરે છે સંચાલન
પહાડ પર જવું સરળ નથી. અહીં ભોલેનાથના દર્શન કરવા માટે પહાડ ચઢવો પડે છે. અહીં કોઈ સીડી બનાવવામાં આવી નથી. પથ્થરો અને જંગલમાંથી થઇ મંદિર સુધી પહોંચવું પડે છે જે કોઈ અગ્નિ પરીક્ષાથી ઓછું નથી. આ મંદિરની સંભાળ ઉત્તરાખંડના કેદારનાથ મંદિરની સમિતિ દ્વારા કરવામાં આવે છે. શ્રાવણ મહિનામાં દૂર-દૂરથી કાવડ લઇ ભક્તો કેદારનાથ શિવ મંદિરમાં પહાડી વાળો રસ્તો હોવા છતાં આવે છે.
મંદિર જતી સમયે આ વાતોનું ધ્યાન રાખો
જો તમે ભગવાન કેદારનાથ શિવ મંદિરના દર્શન કરવા જઈ રહ્યા છે તો સાથે તમારી પાણીની બોટલ જરૂર રાખો. કારણ કે આટલી ઊંચાઈ સુધી જવામાં એની જરૂર પડી શકે છે. પહાડી પર જંગલી જાનવરોનો ખતરો રહે છે, માટે લાકડી હંમેશા સાથે રાખો અને જેટલું બની શકે સૂર્યાસ્ત પહેલા પરત ફરી જાઓ.
(નોંધ: અહીં આપવામાં આવેલી માહિતી ધાર્મિક માન્યતાઓ અને જાહેર માન્યતાઓ પર આધારિત છે, તેના માટે કોઈ વૈજ્ઞાનિક પુરાવા નથી. સામાન્ય જનતાના હિતને ધ્યાનમાં રાખીને અહીં રજૂ કરવામાં આવી છે.)
