કલીયુગમાં હનુમાનજી સાક્ષાત અને જાગ્રત દેવ છે. હનુમાનજી આપણી સુરક્ષા કરે છે. તેમની નાની ભક્તિથી પણ તેઓ પ્રસન્ન થઈ જાય છે. ભક્તોના સંકટ દૂર કરતા હોવાથી તેમને સંકટમોચન પણ કહેવાય છે. શનિવાર અને મંગળવારે તેમની ઉપાસના કરવાથી 2 ગણુ વધુ ફળ પ્રાપ્ત થાય છે. હનુમાનજીનો મહિમા અને ભક્તોના પરોપકારી સ્વભાવને જોઈને તુલસીદાસજીએ હનુમાનજીને પ્રસન્ન કરવા માટે હનુમાન ચાલીસાની રચના કરી હતી.
આ ચાલીસાનો નિયમિત અથવા મંગળવાર, શનિવારે પાઠ કરવાથી ઘણા ચમત્કારી ફાયદા થાય છે.
નાણાકીય સમસ્યાઓ દૂર થાય
હનુમાન ચાલીસામાં હનુમાનજીને અષ્ટસિદ્ધિ અને નવનિધિના દાતા કહેવામાં આવ્યા છે. જે ભક્તો નિયમિત હનુમાન ચાલીસાનો પાઠ કરે છે. હનુમાનજી તેમની દરેક ઈચ્છા પૂરી કરે છે, પછી ભલે તે પૈસા સંબંધિત હોય. જો તમે ક્યારેય આર્થિક સંકટનો સામનો કરો છો, તો મનમાં હનુમાનજીનું ધ્યાન કરીને હનુમાન ચાલીસાનો પાઠ કરવાનું શરૂ કરો. આમ કરવાથી તમારી આર્થિક ચિંતાઓ ધીરે ધીરે દૂર થશે. પાઠ કરતી વખતે પવિત્રતાનું ધ્યાન રાખવું ખૂબ જ જરૂરી છે.
નકારાત્મક શક્તિઓથી રક્ષણ
હનુમાનજીને અત્યંત નિર્ભય અને શક્તિશાળી માનવામાં આવે છે. રામ ભક્ત હનુમાનજી દુષ્ટ આત્માઓનો નાશ કરે છે અને લોકોને તેમાંથી મુક્તિ આપે છે. હનુમાન ચાલીસામાં એક પંક્તિ છે ‘ભૂત પિશાચ નિકટ નહીં આવે, મહાવીર જબ નામ સુનાવે’. આ પંક્તિ પરથી કહેવામાં આવ્યું છે કે જે વ્યક્તિ નિયમિત રીતે હનુમાન ચાલીસાનો પાઠ કરે છે તેને ભૂત-પિશાચ અને અન્ય નકારાત્મક શક્તિઓ આસપાસ આવતી નથી. જે લોકોને રાત્રે ડર લાગે છે અથવા ખરાબ સપના આવે છે તેમણે દરરોજ હનુમાન ચાલીસાનો પાઠ કરવો જોઈએ.
રોગો દૂર થાય છે
હનુમાનજી પરમ પરાક્રમી અને મહાવીર છે, આ વાતનો ઉલ્લેખ રામચરિત માનસથી લઈને હનુમાન ચાલીસા સુધી કરવામાં આવ્યો છે. હનુમાન ચાલીસામાં પણ લખ્યું છે કે “નાસાઈ રોગ હરિ સબ પીરા. જપત નિરંતર હનુમત બીરા.” હનુમાન ચાલીસાનો નિયમિત પાઠ કરવો જોઈએ.
બુદ્ધિ અને ચાતુર્ય મેળવવા માટે
‘વિદ્યાવાન ગુણી અતિ ચાતુર, રામ કાજ કરીબે કો આતુર..’હનુમાન ચાલીસાની આ ચોપાઈથી સ્પષ્ટ થાય છે કે હનુમાન ચાલીસાનો ભક્તિભાવથી પાઠ કરનારાઓમાં હનુમાનજી આ ગુણો ઠાલવે છે. હનુમાનજીના આશીર્વાદ મેળવવા માટે વિદ્યાર્થીઓએ હનુમાન ચાલીસાનો નિયમિત પાઠ કરવો જોઈએ. વિદ્યાર્થી જીવનમાં હનુમાન ચાલીસાનો પાઠ કરવાથી યાદશક્તિ વધે છે અને શિક્ષણ ક્ષેત્રે સફળતા મળે છે.
સાડા સાતી અને શનિની આડ અસરથી બચવા
એક વખત શનિદેવે હનુમાનજીને વચન આપ્યું હતું કે જે કોઈ હનુમાનજીની પૂજા કરશે, શનિદેવ તેને ક્યારેય મુશ્કેલી આપશે. તેથી જ શનિદેવની સાડા સાતી કે ઢૈયાના ખરાબ પ્રભાવથી બચવા માટે હનુમાનજીની પૂજા કરવી અને હનુમાન ચાલીસાનો પાઠ કરવો ફાયદાકારક છે.
(નોંધ: અહીં આપવામાં આવેલી માહિતી ધાર્મિક માન્યતાઓ અને જાહેર માન્યતાઓ પર આધારિત છે, તેના માટે કોઈ વૈજ્ઞાનિક પુરાવા નથી. સામાન્ય જનતાના હિતને ધ્યાનમાં રાખીને અહીં રજૂ કરવામાં આવી છે.)
