આપણા સનાતન ધર્મમાં દરેક વારનું એક મહત્વ હોય છે. દરેક દિવસ કોઈના કોઈ દેવને સમર્પિત હોય છે. તે ખાસ દિવસે પ્રિય દેવતાનું પૂજન કરવામાં આવે તો જાતકને મનવાંચ્છિત ફળ પ્રાપ્ત થાય છે. આજે મંગળવાર છે અને મંગળવારે હનુમાનજીની ઉપાસના તેમજ મંગળ દેવની ઉપાસના થાય છે. હનુમાનજી કલીયુગના જીવંત દેવ છે અને મંગળ પરાક્રમ, સાહસના કારક દેવ છે.
આજે આ બંને દેવની પૂજા કરવાથી વ્યક્તિ સાહસિક અને નીડર બને છે.
- મંગળવારે ભગવાન શ્રી રામચંદ્રના મંદિરે જાવ. હનુમાનજીના શ્રી રૂપના માથાથી જમણા હાથના અંગૂઠાથી લઈને સીતા માતાના શ્રી રૂપના શ્રી ચરણોમાં સિંદૂર લગાવો અને તમારી મનોકામના પૂર્ણ કરવા પ્રાર્થના કરો.
- શનિ તમારી કુંડળીમાં દોષયુક્ત હોય તો મંગળવારે દીવો કરી 5 બજરંગબાણના પાઠ કરી ઘરની બહાર નીકળવું.
- મંગળવારે સાંજે હનુમાન મંદિરમાં જઈને સરસવના તેલનો દીવો અને શુદ્ધ ઘીનો દીવો પ્રગટાવો, પછી ત્યાં બેસીને હનુમાન ચાલીસાનો પાઠ કરો.
- જો નાનું બાળક ખૂબ રડે છે તો રવિવાર કે મંગળવારે નીલકંઠનું પીંછ લઈને બાળક જે પલંગ પર સૂઈ જાય છે તેના પર મૂકી દો. ટૂંક સમયમાં બાળકનું રડવાનું બંધ થઈ જશે
- મંગળવારે ભિખારીને ભોજન અર્પણ કરો. આ સિવાય જો તમને વાંદરો દેખાય તો તમે તેને ચણા, ગોળ, કેળા કે મગફળી ખવડાવી શકો છો. તેનાથી હનુમાનજી પ્રસન્ન થાય છે.
(નોંધ: અહીં આપવામાં આવેલી માહિતી ધાર્મિક માન્યતાઓ અને જાહેર માન્યતાઓ પર આધારિત છે, તેના માટે કોઈ વૈજ્ઞાનિક પુરાવા નથી. સામાન્ય જનતાના હિતને ધ્યાનમાં રાખીને અહીં રજૂ કરવામાં આવી છે.)
