જ્યોતિષશાસ્ત્રમાં શનિ ગ્રહને ન્યાય અને કર્મફળના દેવ તરીકે પણ ઓળખવામાં આવે છે. એવું કહેવાય છે કે શનિદેવ વ્યક્તિને તેના સારા અને ખરાબ કાર્યોનું ફળ આપે છે. આ સિવાય જો વ્યક્તિની કુંડળીમાં શનિની સ્થિતિ મજબૂત અથવા નબળી હોય તો તેનાથી પણ તે વ્યક્તિને શુભ અને અશુભ ફળ મળે છે. થોડા જ સમયમાં વર્ષ 2024 નો પ્રારંભ થવાનો છે ત્યારે નવા વર્ષમાં કઈ કઈ રાશિઓ પર શનિની કૃપા રહેશે ચાલો જાણીએ.
વર્ષ 2024માં શનિની સ્થિતિ
શનિ હાલમાં કુંભ રાશિમાં ગોચર કરે છે. વર્ષ 2024માં પણ શનિ કુંભ રાશિમાં જ રહેશે. જો કે 29 જૂનથી 15 નવેમ્બર 2024 સુધી શનિ ગ્રહ વક્રી સ્થિતિમાં રહેશે અને 11 ફેબ્રુઆરી 2024થી 18 માર્ચ 2024 સુધી શનિ અસ્ત થશે. જ્યારે 18 માર્ચ 2024 થી શનિનો ફરીથી ઉદય થશે.
મેષ રાશિ
મેષ રાશિના જાતકોને વર્ષ 2024માં શનિથી વિશેષ લાભ થશે. તેમના જીવનમાં ધન અને સમૃદ્ધિ આવશે. મેષ રાશિના જાતકો પર શનિ ખાસ કૃપાળુ રહેશે. તમને પૈસા, ઉચ્ચ પદ અને સુખ-શાંતિ મળશે. નોકરી અને વ્યવસાયમાં નવી તકો મળશે. આ સમયે નાણાકીય સ્થિરતા અને માન-સન્માનમાં વધારો થશે.
વૃષભ રાશિ
વર્ષ 2024માં શનિનો ઉદય થશે અને આ રાશિના લોકોને વિશેષ લાભ આપશે. તમારી આવકમાં વધારો થશે. આ સમય વેપારી વર્ગને નફો પ્રદાન કરશે. વર્ષ 2024માં શનિ આ રાશિના લોકોને શુભ ફળ આપશે. આ સમય દરમિયાન પ્રગતિની શક્યતાઓ છે. નોકરી અને વ્યવસાયમાં તમને મોટી સિદ્ધિઓ મળશે.
ધન રાશિ
શનિના ઉદયને કારણે આ રાશિના લોકોને તેમના કરિયરમાં મોટી સફળતા મળશે. આ રાશિના લોકોને આ સમયે ભાગ્યનો સાથ મળશે. સુખ-સમૃદ્ધિમાં વધારો થશે. આ સમયે તમને તમારી મહેનતનું સંપૂર્ણ પરિણામ મળશે. કરિયરમાં પણ પ્રગતિની તકો મળશે. નોકરીમાં ટ્રાન્સફર થઈ શકે છે.
મકર રાશિ
મકર રાશિના લોકો માટે આ સમય સુખ-સમૃદ્ધિથી ભરેલો રહેશે. મકર રાશિના લોકોની બૌધિક ક્ષમતા વધવાથી તેમની કારકિર્દીમાં પ્રગતિ થવાની સંભાવના છે. આ સમય દરમિયાન તેમની આર્થિક સ્થિતિ મજબૂત થશે. આ રાશિના લોકો માટે વર્ષ 2024 સાનુકૂળ રહેવાનું છે. આ સમય દરમિયાન શનિની કૃપા તમને ઘણી મુશ્કેલ પરિસ્થિતિઓમાંથી બહાર કાઢશે.
(નોંધ: આ આપવામાં આવેલી માહિતી જ્યોતિષીય ગણનાઓ પર આધારિત છે, અમે અહીં આપેલા અંદાજિત તથ્યોની પુષ્ટિ કરતા નથી. પાલન કરતા પહેલા સબંધિત નિષ્ણાંતોની સલાહ લો.)
