જ્યોતિષ અને વાસ્તુશાસ્ત્રમાં મોરના પીંછાના અનેક ગુણોનું વર્ણન કરેલું છે. જો તમે તેને રાખવાની સાચી દિશા જાણતા હશો તે તમારા ઘરમાં આશીર્વાદ લાવશે. મોરનાં પીંછાંનો ઉપયોગ મંદિરોમાં દેવી-દેવતાઓનો પ્રેમ મેળવવા માટે કરવામાં આવે છે. ભગવાન શ્રીકૃષ્ણને પણ ખૂબ જ પ્રિય છે મોરપીંછ.
ઘણા લોકો મોરના પીંછાને ઘરમાં રાખે છે. તેનાથી ઘરમાં સકારાત્મક ઉર્જા આવે છે.
જેના કારણે મન પ્રસન્ન રહે છે. હિંદુ માન્યતાઓ અનુસાર શ્રી કૃષ્ણ તેમના માથા પર મોર પીંછા પહેરે છે. તે માટે પણ તેનું મહત્વ વધુ વધી જાય છે.
જો કે ઘરના કોઈપણ ખૂણામાં મોરનું પીંછા રાખવું શુભ માનવામાં આવે છે, પરંતુ ઘરની દક્ષિણ-પૂર્વ દિશામાં મોર પીંછા રાખવાથી હંમેશા આશીર્વાદ મળતા રહે છે.
જો ઘરનો મુખ્ય દરવાજો વાસ્તુશાસ્ત્ર મુજબ ન બનેલો હોય તો તેના પર ત્રણ મોર પીંછા લગાવો અને તેની નીચે ભગવાન ગણેશનું ચિત્ર લગાવો. તેનાથી વાસ્તુ દોષ દૂર થાય છે.
જો તમારા વિવાહિત જીવનમાં ઝઘડાઓ બંધ ન થઈ રહ્યા હોય તો તમે આ ઉપાયો કરી શકો છો. ઘરેલું પરેશાનીઓથી છુટકારો મેળવવા માટે તમારા બેડરૂમમાં મોરના પીંછા લગાવો. તેનાથી વિવાહિત જીવનમાં પ્રેમ જળવાઈ રહેશે.
હંમેશા તમારી સાથે મોર પીંછ રાખવાથી વ્યક્તિને જીવનમાં સફળતા પ્રાપ્ત થાય છે. તમારા ઓશીકા પર મોર પીંછા રાખીને સૂવાથી ડરામણા સપના આવવાની સમસ્યા દૂર થાય છે.
જો કોઈ પણ રાશિમાં રાહુ દોષ હોય તો તે લોકોએ હંમેશા મોર પીંછા પોતાની સાથે રાખવા જોઈએ. આ ઉપાય કરવાથી રાહુ દોષ દૂર થઈ જાય છે અને કોઈપણ કાર્યમાં કોઈ અડચણ આવતી નથી.
(નોંધઃ આ લેખમાં આપવામાં આવેલી કોઈપણ માહિતીની ચોકસાઈ અથવા વિશ્વસનીયતાની ખાતરી આપવામાં આવતી નથી. આ માહિતી વિવિધ માધ્યમો, જ્યોતિષીઓ, પંચાંગો, માન્યતાઓ અને ધાર્મિક ગ્રંથોમાંથી એકત્રિત કરવામાં આવી છે અને તમારી સમક્ષ રજૂ કરવામાં આવી છે. અમારો ઉદ્દેશ્ય માત્ર માહિતી પ્રદાન કરવાનો છે. વધુમાં કોઈપણ ઉપયોગ માટેની જવાબદારી વપરાશકર્તાની પોતાની રહેશે.)
