હિન્દુ ધર્મમાં સપ્તાહના તમામ દિવસોને અલગ અલગ દેવી દેવતાઓને સમર્પિત માનવામાં આવે છે. મંગળવારનો દિવસ ભગવાન હનુમાનજીને સમર્પિત છે. આ દિવસે લોકો વ્રત કરીને પવનપુત્રની સેવા કરે છે. કુંડળીમાં મંગળને મજબૂત કરવા માટે પણ મંગળવારનું વ્રત અને બજરંગબલીની પૂજા કરવાની સલાહ આપવામાં આવે છે. આ સાથે જ તમે મંગળવારના દિવસે કેટલાક ઉપાયો અજમાવીને જીવનની તમામ પરેશાનીઓમાંથી છૂટકારો પણ મેળવી શકો છો.
મનોકામના પૂર્તિ માટે
મંગળવારના દિવસે હનુમાન યંત્રની સ્થાપના કરવાથી બજરંગબલીની વિશેષ કૃપા પ્રાપ્ત થાય છે અને તમામ મનોકામનાઓ પૂરી થાય છે.
સુખ શાંતિ માટે
મંગળવારે તુલસીની માળા લઈને 11 વખત રામ નામના જાપ કરો, આમ કરવાથી તમામ પ્રકારની પરેશાનીઓ દૂર થાય છે અને જીવનમાં સુખ શાંતિ આવે છે.
પરેશાનીઓ દૂર કરવા માટે
જીવનમાં આવનારી તમામ પ્રકારની પરેશાનીઓ દૂર કરવા માટે દર મંગળવારે સિંદૂર અને ચમેલીનું તેલ અર્પણ ચડાવવું જોઈએ.
ક્રોધ ઓછો કરવા માટે
ક્રોધ એ માણસનો સૌથી મોટો દુશ્મન ગણવામાં આવે છે. અનેકવાર ગુસ્સો કરવાના કારણે તમારા બનેલા કામ બગડતા હોય છે. ગુસ્સો ઓછો કરવા માટે દર મંગળવારે વ્રત રાખીને ભગવાન હનુમાનની આરાધના કરો.
રોગ મુક્તિ માટે
જો તમે કોઈને કોઈ બીમારીથી પરેશાન રહેતા હોવ તો દર મંગળવારથી સતત 21 દિવસ સુધી હનુમાન બાહુકનો પાઠ કરો. આ માટે ભગવાન હનુમાનની પ્રતિમા સામે સ્વચ્છ આસન પર બેસીને એક પાત્રમાં પાણી રાખો. હનુમાન બાહુકનો પાઠ કર્યા બાદ તે પાણી પી જાઓ.
(નોંધઃ આ લેખમાં આપવામાં આવેલી કોઈપણ માહિતીની ચોકસાઈ અથવા વિશ્વસનીયતાની ખાતરી આપવામાં આવતી નથી. આ માહિતી વિવિધ માધ્યમો, જ્યોતિષીઓ, પંચાંગો, માન્યતાઓ અને ધાર્મિક ગ્રંથોમાંથી એકત્રિત કરવામાં આવી છે અને તમારી સમક્ષ રજૂ કરવામાં આવી છે. અમારો ઉદ્દેશ્ય માત્ર માહિતી પ્રદાન કરવાનો છે. વધુમાં કોઈપણ ઉપયોગ માટેની જવાબદારી વપરાશકર્તાની પોતાની રહેશે.)
