વર્તમાનમાં શનિ કુંભ રાશિમાં ભ્રમણ કરી રહ્યો છે, જેને લઇ મકર, કુંભ, મીન રાશિના જાતકો પર શનિની સાડાસાતી ચાલી રહી છે. શનિની ધીમી ચાલના કારણે સાડાસાત વર્ષના સમયગાળાનું નામ સાડાસાતી પડ્યું.
શનિદેવ પોતાની ધીમી ગતિના કારણે એક રાશિમાં અઢી વર્ષ સુધી રહે છે. શનિ જયારે કોઈ વ્યક્તિની જન્મરાશિથી બારમી રાશિમાં આવે છે, તો ત્યાં અઢી વર્ષ સુધી રહેશે છે, એની પાછળની રાશિમાં પણ અઢી વર્ષ રહેશે છે, શનિ ભ્રમણ કરતા જન્મરાશિમાં આગળ વધતા અને જન્મરાશિથી બીજી રાશિમાં પણ અઢી વર્ષ રહે છે.
આ રીતે ત્રણ રાશિઓ મળી અઢી+અઢી+અઢી= સાડાસાત વર્ષ થાય છે. સાડાસાત વર્ષનો આ સમયગાળો સાડાસાતી કહેવાય છે.
સાડાસાતીની ગણતરી
શનિ જન્મ રાશિથી બારમી રાશિમાં પ્રવેશે કે તરત જ સાડાસાતી શરૂ થાય છે અને જે દિવસે શનિ જન્મ રાશિમાંથી બીજી રાશિ છોડે છે તે દિવસે સાડાસાતી સમાપ્ત થાય છે. વ્યક્તિના જીવનમાં સાડાસાતી ક્યારે આવશે અને તે કેટલો સમય ચાલશે તે જાણવા માટે, આપણે સૌપ્રથમ કોઈપણ લોકપ્રિય પંચાંગમાંથી તપાસ કરવી પડશે કે શનિ કઈ રાશિમાં છે. જ્યારે શનિ એક રાશિ આગળ અને એક રાશિ પાછળ હોય ત્યારે સાડાસાતી રહેશે. ઉદાહરણ તરીકે, હાલમાં શનિ કુંભ રાશિમાં ભ્રમણ કરી રહ્યો છે. આથી, કુંભ રાશિની એક રાશિ આગળ એટલે કે મીન અને એક રાશિ પાછળ, મકર રાશિના લોકો માટે અને કુંભ રાશિના લોકો માટે સાડાસાતી હશે. મકર રાશિના લોકો માટે સાડાસાતી ઉતરતી અને મીન રાશિના લોકો માટે ચઢતી થશે.
શનિ ક્યારે કઈ રાશિમાં પ્રવેશ કરે છે, કઈ રાશિ માટે સાડાસાતી શરૂ થશે અને તે કેટલો સમય ચાલશે. ભ્રમણ કરતી વખતે શનિદેવની ગોચર સ્થિતિના આધારે, નીચે પ્રમાણે બાર રાશિઓ પર સાડાસાતીનું અવલોકન.
મેષ – જ્યારે શનિ મીન, મેષ અને વૃષભમાં હોય ત્યારે મેષ રાશિના લોકો પર સાડાસાતી રહે છે.
વૃષભ – જ્યારે શનિ મેષ, વૃષભ અને મિથુન રાશિમાં હોય ત્યારે વૃષભ રાશિના લોકો પર સાડાસાતી રહે છે.
મિથુન – જ્યારે શનિ વૃષભ, મિથુન અને કર્ક રાશિમાં હોય ત્યારે મિથુન રાશિના લોકો પર સાડાસાતી રહે છે.
કર્ક – શનિ મિથુન, કર્ક અને સિંહ રાશિમાં હોય ત્યારે કર્ક રાશિના લોકો પર સાડાસાતી રહે છે.
સિંહ – શનિ કર્ક, સિંહ અને કન્યા રાશિમાં હોય ત્યારે સિંહ રાશિના લોકો પર સાડાસાતી રહે છે.
કન્યા – જ્યારે શનિ સિંહ, કન્યા અને તુલા રાશિમાં હોય ત્યારે કન્યા રાશિના લોકો પર સાડાસાતી રહે છે.
તુલા – જ્યારે શનિ કન્યા, તુલા અને વૃશ્ચિક રાશિમાં હોય ત્યારે તુલા રાશિના લોકો પર સાડાસાતી રહે છે.
વૃશ્ચિક – જ્યારે શનિ તુલા, વૃશ્ચિક અને ધન રાશિમાં હોય ત્યારે વૃશ્ચિક રાશિના લોકો પર સાડાસાતી રહે છે.
ધન – જ્યારે શનિ વૃશ્ચિક, ધન અને મકર રાશિમાં હોય ત્યારે ધન રાશિના લોકો પર સાડાસાતી રહે છે.
મકર – જ્યારે શનિ ધનુ, મકર અને કુંભ પર હોય છે ત્યારે મકર રાશિના લોકો પર સાડાસાતી રહે છે.
કુંભ – જ્યારે શનિ મકર, કુંભ અને મીન રાશિમાં હોય ત્યારે કુંભ રાશિના લોકો પર સાડાસાતી રહે છે.
મીન – જ્યારે શનિ કુંભ, મીન અને મેષ રાશિમાં હોય ત્યારે મીન રાશિના લોકો પર સાડાસાતી રહે છે.
(નોંધ: આ આપવામાં આવેલી માહિતી જ્યોતિષીય ગણનાઓ પર આધારિત છે, અમે અહીં આપેલા અંદાજિત તથ્યોની પુષ્ટિ કરતા નથી. પાલન કરતા પહેલા સબંધિત નિષ્ણાંતોની સલાહ લો.)
