શનિદેવને જ્યોતિષમાં ક્રૂર ગ્રહ માનવામાં આવે છે, પરંતુ શનિદેવ હંમેશા અશુભ ફળ જ આપતા નથી. જો ભક્તો પર શનિદેવની કૃપા હોય તો તેઓ તેમને રંકમાંથી રાજા બનાવી દે છે. તો ચાલો જાણીએ શનિવારે શનિદેવને પ્રસન્ન કરવા કેવા ઉપાયો કરવા જોઈએ.
શનિદેવની ન્યાયના દેવતાના રૂપમાં પૂજવામાં આવે છે. જ્યોતિષ શાસ્ત્રમાં શનિદેવને ક્રૂર ગ્રહ માનવામાં આવે છે. માનવામાં આવે છે જે લોકો પર શનિદેવની કૃપા રહે છે, એમને રાજ સુખ પ્રાપ્ત થાય છે. ત્યાં જ જો કોઈના પર શનિની વક્રી દ્રષ્ટિ હોય તો એનું આખું જીવન ખરાબ થઇ જાય છે. તમામ ગ્રહોમાં શનિદેવ સૌથી ધીમી ગતિથી રાશિ પરિવર્તન કરે છે. લગભગ અઢી વર્ષ સુધી શનિદેવ એક રાશિમાં બિરાજમાન રહે છે.
શનિદેવના કોઈ એક રાશિમાં વધુ રહેવાથી ઢૈયા અને સાડાસાતી પેદા થાય છે. શનિની સાડાસાતીના કારણે વ્યક્તિએ ઘણા પ્રકારની સમસ્યાનો સામનો કરવો પડે છે. શનિદેવ તેમજ શનિની પીડાથી બચવા માટે શનિવારે કેટલીક એવી વસ્તુ છે જેને ઘરે લાવવી જોઈએ જેનાથી શનિદેવ ખુશ થાય છે અને પોતાના આશીર્વાદ બનાવી રાખે છે. તો ચાલો જાણીએ કે શનિ પ્રકોપથી બચવા માટે ઘરમાં કઈ વસ્તુઓ રાખવી જોઈએ.
શનિ યંત્ર : શનિદેવના પ્રકોપથી બચવા અને તેમના આશીર્વાદ મેળવવા માટે શનિ યંત્રને ઘરના મંદિરમાં રાખો અને દરરોજ તેની પૂજા કરો. આમ કરવાથી શનિદેવ પ્રસન્ન થાય છે અને શુભ ફળ પ્રાપ્ત થાય છે. તમે દુષ્ટ શક્તિઓથી પણ સુરક્ષિત રહી શકો છો.
શનિ ચાલીસા : દરેક દેવી-દેવતાઓને પ્રસન્ન કરવા અને તેમની પૂજા કરવા માટે ઘરમાં ધાર્મિક પુસ્તકો હોય છે. તેવી જ રીતે શનિદેવને પ્રસન્ન કરવા અને તેમના આશીર્વાદ મેળવવા માટે ઘરના મંદિરમાં શનિ ચાલીસાનો ગ્રંથ અવશ્ય રાખવો જોઈએ. આમ કરવાથી મનુષ્યના દુઃખનો અંત આવે છે. આ ઉપરાંત તેઓ સુખમાં ભાગીદાર પણ બને છે.
શમી વૃક્ષ : શનિદેવને શમીનો છોડ ખૂબ જ પ્રિય છે. ઘરના મુખ્ય દ્વારની ડાબી બાજુ શમીનો છોડ લગાવવો શુભ હોય છે. એવી માન્યતા છે કે જે ઘરમાં શમીનું ઝાડ હોય ત્યાં શનિદેવનો વાસ હોય છે. દર શનિવારે શમીના ઝાડ નીચે સરસવના તેલનો દીવો પ્રગટાવવો અને તેની પૂજા કરવાથી ધન અને સમૃદ્ધિની પ્રાપ્તિ થાય છે.
શિવ પ્રતિમા : શનિદેવને પ્રસન્ન કરવા માટે ઘરમાં ભગવાન શિવની મૂર્તિ સ્થાપિત કરવી જોઈએ. સાથે જ ભગવાન શિવની પૂજા દરરોજ પૂર્ણ વિધિથી કરવી જોઈએ. શનિદેવ ભગવાન શિવને પોતાના ગુરુ માને છે. શનિદેવ પોતાના ગુરુને માન આપતા જોઈને ખુશ થાય છે. તેમજ વ્યક્તિની દરેક મનોકામના પૂર્ણ કરે છે.
હનુમાનજીની પ્રતિમા : જે ઘરમાં હનુમાનજીની મૂર્તિની પૂજા કરવામાં આવે છે. ત્યાંના સભ્યોના જીવનમાંથી તમામ પ્રકારની સમસ્યાઓ અને અવરોધો દૂર થાય છે. શનિદેવે હનુમાનજીને વચન આપ્યું હતું કે તમારા ભક્તોને ક્યારેય મારા દોષ સહન કરવા પડશે નહીં અને હું તેમને હંમેશા શુભ ફળ આપીશ.
(નોંધઃ આ લેખમાં આપવામાં આવેલી કોઈપણ માહિતીની ચોકસાઈ અથવા વિશ્વસનીયતાની ખાતરી આપવામાં આવતી નથી. આ માહિતી વિવિધ માધ્યમો, જ્યોતિષીઓ, પંચાંગો, માન્યતાઓ અને ધાર્મિક ગ્રંથોમાંથી એકત્રિત કરવામાં આવી છે અને તમારી સમક્ષ રજૂ કરવામાં આવી છે. અમારો ઉદ્દેશ્ય માત્ર માહિતી પ્રદાન કરવાનો છે. વધુમાં કોઈપણ ઉપયોગ માટેની જવાબદારી વપરાશકર્તાની પોતાની રહેશે.)
