ઉનાળાની ઋતુ ચરમસીમાએ છે. ગરમ પવનો ફૂંકાવા લાગ્યા છે. ઉનાળામાં માત્ર હવામાન જ ગરમ નથી પરંતુ શરીરનું તાપમાન પણ વધી શકે છે. ઉનાળાની ઋતુ શરૂ થતાં જ માથાનો દુખાવો, બેચેની, નર્વસનેસ જેવી સમસ્યાઓ થવા લાગે છે. ઉનાળામાં મોટાભાગના લોકોને તેમના શરીરમાં પાણીની ઉણપનો સામનો કરવો પડી શકે છે કારણ કે આ ઋતુમાં આપણા શરીરને મોટાભાગે પીણાંની જરૂર હોય છે.
ઉનાળામાં તમે પાણી પીઓ છો પરંતુ પાણી માત્ર તમને હાઇડ્રેટ રાખી શકે છે અને એનર્જી આપતું નથી. ઉનાળાની આ ઋતુમાં તમારે કેટલાક એનર્જી ડ્રિંકનું સેવન કરવું જોઈએ જે તમને હાઈડ્રેટ રાખવા ઉપરાંત એનર્જી પણ આપે છે. અહીં અમે તમને કેટલાક એનર્જી ડ્રિંક્સ વિશે જણાવવા જઈ રહ્યા છીએ જેમાં ઘણા મિનરલ્સ અને પોષક તત્વો હોય છે. ઉનાળામાં આનું સેવન કરવાથી તમારા શરીરને ઠંડક તો મળે જ છે સાથે સાથે એનર્જી પણ મળે છે. ઉનાળાની ઋતુમાં લોકો રાહત મેળવવા માટે વિવિધ પ્રકારના પ્રવાહીનું સેવન કરે છે. આજે અમે તમને 5 પ્રકારના જ્યુસ વિશે જણાવવા જઈ રહ્યા છીએ, જે તમને સારું લાગશે.
દ્રાક્ષનો રસ બનાવવા માટે પહેલા કેટલીક દ્રાક્ષને સારી રીતે ધોઈ લો. ત્યાર બાદ દ્રાક્ષની સાથે ગ્રાઇન્ડરમાં ખાંડ, કેટલાક ફુદીનાના પાન, કાળું મીઠું અને થોડું પાણી મિક્સ કરો અને તેને ગારણીની મદદથી ગ્લાસમાં ગાળી લો. આ પછી બરફ અને ઠંડુ પાણી ઉમેરીને બરાબર મિક્ષ કરી લો. તમે તેમાં લીંબુ ઉમેરીને પી શકો છો.
કાકડીનો રસ બનાવવા માટે એકથી બે કાકડીને સારી રીતે ધોઈ લો. ત્યાર બાદ તેના નાના ટુકડા કરી લો અને તેને ગ્રાઇન્ડરમાં પીસી લો. તેમાં આદુના થોડા નાના ટુકડા, કાળું મીઠું, લીંબુ, ફુદીનો, ખાંડ અને ઠંડુ પાણી ઉમેરીને બરાબર મિક્ષ કરી લો. આ પછી તેને સ્ટ્રેનરની મદદથી ગાળી લો. આ પછી ઉનાળામાં તેનો આનંદ લો.
કાચી કેરીનો રસ બનાવવા માટે એકદમ કાચી અને ખાટી કેરી લો. તેને છોલીને તેના દસથી પંદર ટુકડા કરી લો અને તેને ગ્રાઇન્ડરમાં પીસી લો. આ પછી તેમાં કોથમીર, ફુદીનો, કાળું મીઠું, ખાંડ અને શેકેલું જીરું પાવડર નાખીને પીસી લો. આ પછી તેને વાસણમાં સારી રીતે ગાળી લો. બાદમાં બરફ ભેળવેલું થોડું ઠંડુ પાણી પીવો, તેનાથી ગરમીથી રાહત મળશે.
તરબૂચનો રસ બનાવવા માટે તરબૂચને કાપીને ગ્રાઇન્ડરમાં પીસી લો. કાળું મીઠું, ખાંડ (સ્વાદ મુજબ), ફુદીનો, બરફ અને થોડું પાણી ઉમેરીને બરાબર મિક્સ કરો અને આનંદ લો.
(નોધ: આરોગ્ય સંબંધિત લેખ વાચકના જ્ઞાન અને જાગૃતિ વધારવા માટે તૈયાર કરવામાં આવ્યો છે. ઉપરોક્ત લેખમાં દર્શાવેલ માહિતી વિશે વધુ વિગતો માટે તમારા ડોક્ટરની સલાહ લો.)
