સાયકલ ચલાવવી શારીરિકની સાથે માનસિક સ્વાસ્થ્ય માટે પણ ફાયદાકારક છે. સાયકલ ચલાવવી તે હેલ્થી રહેવાનો સૌથી સરળ ઉપાય છે. સાયકલ ચલાવાથી શરીર સક્રિય રહે છે જેનાથી અનેક બીમારીઓ પણ દૂર રહે છે. જો તમે પણ ફિટ રહેવા માંગો છો તો તમારે સાયકલ જરૂર ચલાવવી જોઈએ.
સાયકલિંગ એ એક એવા પ્રકારની કસરત છે જે દરેક ઉંમરના લોકો કરી શકે છે. આ કસરત બાળકો, યુવાનો, વડીલો પણ કરી શકે છે.
આ સિવાય સાયકલિંગથી પર્યાવરણને પણ કોઈ નુકસાન નથી થતુ તેનાથી ટ્રાફિકની સમસ્યા પણ નથી ઉભી થતી. જેથી કહી શકાય કે સાયકલિંગના અનેક ફાયદા છે. અહીંયા તમને દરરોજ સાયકલિંગના ફાયદા જણાવીશું.
બોડી ફિટનેસ
સાયકલ ચલાવવી સંપૂર્ણ શરીરની કસરત ગણાય છે. તેનાથી તમારા પગ, માંસપેશિયો, શરીરના ઉપરના પાર્ટ પણ મજબૂત બને છે. દરરોજ સાયકલિંગ કરવાથી કાર્ડિયોવસ્કુલર હેલ્થ સુધરે છે તથા સહનશક્તિ પણ વધે છે.
વજન
નિયમિત સાયકલિંગ કરવાથી જે લોકોનું વજન વધુ છે તેમનું વજન ઓછુ થાય છે. ફાસ્ટ સાયકલ ચલાવાથી શરીરની વધારે કેલરીનો ઉપયોગ થાય છે. જેથી તમારી એક્સ્ટ્રા ફેટ ઘટે છે.
મેન્ટલ હેલ્થ
નિયમિત સાયકલ ચલાવાથી તમારુ મેન્ટલ હેલ્થ પણ સારુ રહે છે. સાયકલિંગ જેવી કસરત દરમિયાન એન્ડોર્ફિન નામનું હોર્મન રિલિઝ થાય છે. જેનાથી તણાવ ઘટે છે અને મુડ પણ સુધરે છે. સાયકલિંગ મેન્ટલ હેલ્થ માટે ફાયદાકારક છે.
આ રીતે કરો શરુઆત
સાયકલિંગ માટે તમારી જરુરિયાત મુજબ સાયકલ લેવી જોઈયે. સેફ્ટી માટે હંમેશા હેલમેટ પહેેરો. શરુઆતમાં તમારે ધીરે ધીરે સાયકલિંગ કરવું જોઈયે, બાદમાં સ્પીડ વધારવી જોઈયે. સાયકલિંગથી સ્વાસ્થ્યની સાથે પર્યાવરણને પણ ફાયદો થાય છે.
(નોધ: આરોગ્ય સંબંધિત લેખ વાચકના જ્ઞાન અને જાગૃતિ વધારવા માટે તૈયાર કરવામાં આવ્યો છે. ઉપરોક્ત લેખમાં દર્શાવેલ માહિતી વિશે વધુ વિગતો માટે તમારા ડોક્ટરની સલાહ લો.)
