લગભગ દરેકના ઘરમાં આંગણામાં જોવા મળતો તુલસીના છોડના અનેક ફાયદા છે .હિંદુ ધર્મમાં તો તુલસીના છોડને ખૂબ જ પવિત્ર માનવામાં આવે છે અને તેની પૂજા કરવામાં આવે છે. પંરતું શું તમે જાણો છો પૂજા સિવાય તુલસીનો છોડ પણ લોકો માટે જાદુઈ સાબિત થઈ શકે છે. તુલસીના પાન ઔષધીય ગુણોનો ભંડાર છે. આયુર્વેદ અનુસાર, સવારે નિયમિતપણે તુલસીના કેટલાક પાન ચાવવાથી અનેક સ્વાસ્થ્ય લાભ મળી શકે છે. ઘણા સંશોધનોમાં જાણવા મળ્યું છે કે તુલસીના પાંદડામાં વિટામિન એ, વિટામિન ડી, આયર્ન અને ફાઇબર સહિત ઘણા પોષક તત્વો હોય છે. ત્યારે આવો જાણીએ દરરોજ ખાલી પેટે તુલસીના પાન ચાવવાથી શું ફાયદો થાય છે.
તુલસીના પાન હૃદય અને મગજ બંને માટે ખૂબ જ ફાયદાકારક માનવામાં આવે છે. તુલસીના છોડના તમામ ભાગો એડેપ્ટોજેન તરીકે કામ કરે છે. એડેપ્ટોજેન એક કુદરતી પદાર્થ છે જે તમારા શરીરને તાણ સાથે અનુકૂલન કરવામાં મદદ કરે છે અને માનસિક સંતુલનને પ્રોત્સાહન આપે છે. વૈજ્ઞાનિક સંશોધનો દર્શાવે છે કે તુલસીમાં ઔષધીય ગુણો છે જે તમારા મગજને ઘણા પ્રકારના તણાવનો સામનો કરવામાં મદદ કરે છે. તુલસીના પાનનું સેવન કરવાથી મૂડ સુધરે છે અને નર્વસ સિસ્ટમની કામગીરીમાં સુધારો થાય છે.
તુલસીના પાનનું સેવન કરવાથી બ્લડ સુગરને નિયંત્રિત કરવામાં મદદ મળે છે. ઘણા સંશોધનોથી જાણવા મળ્યું છે કે તુલસીના પાંદડામાં ઘણા સંયોજનો હોય છે જે ઇન્સ્યુલિનની સંવેદનશીલતામાં સુધારો કરે છે અને ડાયાબિટીસને નિયંત્રિત કરવામાં મદદરૂપ થાય છે. જો તમને ડાયાબિટીસ ન હોય તો પણ તમારે તુલસીના પાનનું સેવન કરવું જોઈએ. આનાથી તમે ક્યારેય બીપી અને શુગરના દર્દી નહીં બનો. રોજ ખાલી પેટે 5-10 તુલસીના પાન ખાવાથી પાચનતંત્ર સુધરે છે અને પેટની સમસ્યામાં રાહત મળે છે. તુલસીના પાનમાં એન્ટિમાઈક્રોબાયલ ગુણ હોય છે જે શરદી, ઉધરસ અને તાવથી બચાવે છે.
તુલસીના પાન એન્ટીઓક્સીડેન્ટથી ભરપૂર હોય છે અને તેમાં એન્ટીબેક્ટેરિયલ ગુણ હોય છે, જેના કારણે તે તાવથી બચાવે છે. તુલસીના પાન ત્વચામાં નિખાર લાવવા માટે પણ મદદ કરે છે. તુલસીના પાન નિયમિત ખાવાથી શરીરમાંથી ઝેરી તત્વો બહાર નીકળી જાય છે અને ચહેરા પર ચમક આવે છે. તુલસીના પાન પાચનમાં સુધારો કરે છે અને શરીરને ડિટોક્સ કરે છે. તેથી તુલસીના પાનનું નિયમિત સેવન વજન ઘટાડવામાં મદદ કરે છે. નિષ્ણાતોના મતે, ખાલી પેટે તુલસીના પાનનું નિયમિત સેવન કરવાથી અસ્થમા અને બ્રોન્કાઇટિસ જેવી બીમારીઓ દૂર થાય છે.
(નોધ: આરોગ્ય સંબંધિત લેખ વાચકના જ્ઞાન અને જાગૃતિ વધારવા માટે તૈયાર કરવામાં આવ્યો છે. ઉપરોક્ત લેખમાં દર્શાવેલ માહિતી વિશે વધુ વિગતો માટે તમારા ડોક્ટરની સલાહ લો.)
