લીલા શાકભાજી અને મોસમી ફળો સ્વાસ્થ્ય માટે ખૂબ જ ફાયદાકારક માનવામાં આવે છે. ઉનાળામાં ઘણા પ્રકારના લીલા શાકભાજી બજારમાં સરળતાથી મળી રહે છે. ટિંડોળા પણ તે પૈકીનું એક શાકભાજી છે. જે સ્વાદની સાથોસાથ અનેક ઔષધીય ગુણોથી ભરપૂર છે. કેન્સર સામે લડવાની સાથોસાથ એનિમિયાની સારવાર તથા રોગપ્રતિકારક શક્તિને મજબૂત કરવાના ગુણ પણ ટિંડોળામાં પુષ્કળ પ્રમાણમાં જોવા મળે છે.
ટિંડોળા એક એવું શાક છે, જે પરવલ જેવું લાગે છે. સામાન્ય રીતે તે ઉનાળાની ઋતુમાં બજારમાં જોવા મળે છે. ટિંડોળા એન્ટી-ઓક્સીડેન્ટ ગુણોથી ભરપૂર છે. આ સિવાય તેમાં વિટામિન, મિનરલ્સ, પોટેશિયમ, કેલ્શિયમ, આયર્ન અને ફાઈબર ભરપૂર માત્રામાં જોવા મળે છે. એટલું જ નહીં, તેમાં બળતરા વિરોધી અને એન્ટીબેક્ટેરિયલ ગુણ પણ જોવા મળે છે. આ કારણે તે તમને સ્વાસ્થ્ય સંબંધિત અનેક બીમારીઓથી બચાવે છે.
ટિંડોળા વજનને નિયંત્રિત કરવામાં ખૂબ જ અસરકારક છે. તેમાં ફાઈબર ભરપૂર માત્રામાં જોવા મળે છે. ફાઈબર પાચનતંત્રને મજબૂત બનાવે છે. જેના કારણે તે મોટાપાની સમસ્યાને દૂર કરે છે.
એનિમિયાથી પીડિત મહિલાઓ માટે ટિંડોળાનું શાક ખૂબ જ ફાયદાકારક છે. તેમાં રહેલા આયર્નને કારણે તે એનિમિયાની સમસ્યાને દૂર કરે છે. આટલું જ નહીં, તે શરીરના થાકથી પણ રાહત આપે છે.
ટિંડોળામાં પોટેશિયમ ભરપૂર માત્રામાં જોવા મળે છે. જેના કારણે તે હૃદયના સ્વાસ્થ્ય માટે ખૂબ જ ફાયદાકારક છે. તે બ્લડ પ્રેશરને નિયંત્રિત કરે છે. એટલું જ નહીં, પોટેશિયમને કારણે તે હાડકાંને મજબૂત બનાવવામાં પણ મદદ કરે છે. ટિંડોળામાં જોવા મળતા એન્ટીઑકિસડન્ટ્સ શરીરને મુક્ત રેડિકલને કારણે થતી સમસ્યાઓથી બચાવે છે. તે કેન્સર, ડાયાબિટીસ અને બ્લડ પ્રેશરની સારવારમાં અસરકારક છે.
(નોધ: આરોગ્ય સંબંધિત લેખ વાચકના જ્ઞાન અને જાગૃતિ વધારવા માટે તૈયાર કરવામાં આવ્યો છે. ઉપરોક્ત લેખમાં દર્શાવેલ માહિતી વિશે વધુ વિગતો માટે તમારા ડોક્ટરની સલાહ લો.)
