ઉનાળાનો સમય કોઈને પણ પસંદ નથી હોતો. આ સમય દરમિયાન ગરમીથી તો ત્રાસ થાય જ છે પરંતુ સાથે જ તબિયત બગડવાની ચિંતા પણ સતત રહે છે. તેથી જ ઉનાળા દરમિયાન ખાવા પીવામાં એવી વસ્તુઓનો સમાવેશ કરવો જોઈએ જે લુ લાગવાથી બચાવે. આવી જ એક વસ્તુ છે ડુંગળી. ડુંગળી ખાવાનું લોકો ટાળતા હોય છે પરંતુ ઉનાળા દરમિયાન ડુંગળી ખાવાથી શરીરને એક નહીં પરંતુ પાંચ ફાયદા થાય છે.
લુ થી બચાવ
ડુંગળી શરીર માટે ખૂબ જ ફાયદાકારક છે. ઉનાળામાં ડુંગળી ખાવાથી શરીરને જરૂરી પોષક તત્વો મળે છે અને સાથે જ ગરમીમાં લુ લાગવાથી પણ બચી જવાય છે. સ્વાસ્થ્ય નિષ્ણાંતો જણાવે છે કે હીટવેવ દરમ્યાન રોજ ડુંગળી ડાયટમાં સામેલ કરવી જોઈએ.
સ્કીન માટે લાભ
ડુંગળીમાં એવા ઘણા તત્વ હોય છે જે સ્કીનને હાઇડ્રેટ રાખવામાં મદદ કરે છે. તેમાં વિટામિન એ, સી અને કે હોય છે જે સ્કીનને ચમકદાર બનાવે છે અને ડાઘ દૂર કરે છે.
હાડકા માટે લાભ
ડુંગળી હાડકાને પણ મજબૂત બનાવે છે. જો રોજ ડુંગળીનું સેવન કરો છો તો તેનાથી ઓસ્ટીઓપોરોસિસ થવાનું જોખમ ઘટી જાય છે.
હાર્ટ માટે ફાયદાકારક
ડુંગળી હાર્ટનું સ્વાસ્થ્ય પણ સારું રાખે છે. ડુંગળીને ડાયટમાં સામેલ કરવાથી બેડ કોલેસ્ટ્રોલની સમસ્યામાં ફાયદો થાય છે. ડુંગળીમાં એવા તત્વ હોય છે જે સુગરને પણ કંટ્રોલ કરે છે.
ઓરલ હેલ્થ
ઓરલ હેલ્થને પણ ડુંગળી બરાબર રાખે છે. રોજ કાચી ડુંગળી ખાવાથી દાંતમાં બેક્ટેરિયા વધતા નથી જો બેક્ટેરિયા હોય તો તેનો પણ સફાયો થઈ જાય છે. ડુંગળીથી પેઢાની સમસ્યામાં પણ રાહત મળે છે.
(નોધ: આરોગ્ય સંબંધિત લેખ વાચકના જ્ઞાન અને જાગૃતિ વધારવા માટે તૈયાર કરવામાં આવ્યો છે. ઉપરોક્ત લેખમાં દર્શાવેલ માહિતી વિશે વધુ વિગતો માટે તમારા ડોક્ટરની સલાહ લો.)
