જો તમારૂં વજન વધી રહ્યું છે? તમે તેને ઘટાડવા માંગો છો. તો આ સ્ટોરી તમારે ખાસ વાંચવી જોઈએ. અમે એવા પાંચ નાસ્તા વિશે માહિતી લઈને આવ્યા છીએ. જેને ખાવાથી તમને પોષણ મળશે અને વજન વધશે નહીં.
ફણગાવેલા અનાજને નિયમિત રીતે ખાવાથી ફાયદો થાય છે. ફણગાવેલા અનાજ સ્વાસ્થ્ય માટે ખૂબ જ અસરકારક સાબિત થાય છે. ચણા, સોયાબીન, રાજમા અને ફણગાવેલા મગ ખાવાથી શરીરને ઘણા ફાયદા થાય છે. સ્પ્રાઉટ્સમાં ભરપૂર માત્રામાં ફાઈબર જોવા મળે છે. ફાઈબર મેદસ્વી લોકો તેમજ ડાયાબિટીસના દર્દીઓ માટે સારું છે. પાચન તંત્ર માટે ફાઈબર મહત્વપૂર્ણ છે. તે આપણને અતિશય આહારનું સેવન કરતાં અટકાવે છે. કબજિયાતથી પીડિત લોકો માટે આ ફૂડ વરદાનથી ઓછું નથી.
દાળિયા ખાવાના ઘણા ફાયદા છે, પરંતુ જો નાસ્તામાં દાળિયાનો સમાવેશ કરવામાં આવે તો તે વધુ ફાયદાકારક છે. દાળિયામાં ફાઈબર ભરપૂર માત્રામાં જોવા મળે છે. આ સિવાય તેમાં બીજા ઘણા ગુણો છે, જે પાચનક્રિયાને સુધારવામાં મદદ કરે છે. દાળિયામાં રહેલા ફાઈબરને કારણે પેટ લાંબા સમય સુધી ભરેલું રહે છે. જેના કારણે ભૂખ ઓછી લાગે છે. વજન ઘટાડવામાં મદદ કરે છે. આ સિવાય ડાયાબિટીસના દર્દીઓ માટે પણ દાળિયા ફાયદાકારક છે. તે શુગર લેવલને કંટ્રોલ કરે છે.
ઘણા લોકો નાસ્તામાં પૌવા ખાવાનું પસંદ કરે છે. પૌવા સ્વાસ્થ્ય માટે પણ ખૂબ ફાયદાકારક છે. પૌવા એ લો ગ્લાયસેમિક ખોરાક છે. પૌવા ખાવાથી બ્લડ શુગર લેવલ કંટ્રોલમાં રહે છે. પૌવામાં ચરબીનું પ્રમાણ 30 ટકાથી ઓછું હોય છે. ઓછી કેલરીને કારણે, તે વજન ઘટાડવામાં મદદ કરે છે. પરંતુ પૌવા મર્યાદિત માત્રામાં જ ખાવા જોઈએ. પૌવામાં કાર્બોહાઇડ્રેટનું પ્રમાણ વધુ હોય છે.
જો તમે નાસ્તામાં કંઈક હેલ્ધી અને ટેસ્ટી ખાવા માંગતા હોવ તો તમે મગના ચીલા બનાવીને ખાઈ શકો છો. તે સ્વાદિષ્ટ હોવા ઉપરાંત પ્રોટીનથી ભરપૂર પણ છે. મગની દાળમાં કોપર, ફોલેટ, રિબોફ્લેવિન, વિટામિન સી, ફાઈબર, પોટેશિયમ, ફોસ્ફરસ, મેગ્નેશિયમ, આયર્ન, વિટામિન બી6 અને થાઈમીન મળી આવે છે. મગ ચીલા એ ઓછી કેલરીવાળો ખોરાક છે. આવી સ્થિતિમાં, તે તમારા વજનને નિયંત્રિત કરવામાં મદદરૂપ થઈ શકે છે. મગની દાળ પાચન તંત્ર માટે સારી માનવામાં આવે છે. મગની દાળના ચીલા હળવા અને સરળતાથી પચી જાય છે. પાચન સુધારવા માટે તમે મગના ચીલા ખાઈ શકો છો.
ઈડલી અને સાંભર બંને ઓછી કેલરીવાળા ખોરાક છે. ઈડલીમાં કેલરીની માત્રા ઘણી ઓછી હોય છે. ઈડલી એક ઉચ્ચ ફાઈબર ખોરાક છે. ફાઈબર પાચન તંત્ર માટે ખૂબ જ ફાયદાકારક છે. જો તમે નાસ્તામાં ઈડલી કે સાંભાર ખાઓ છો. આથી તમારું પેટ ભરેલું રહેશે. વારંવાર ખાવાની ઈચ્છા નહિ થાય. તમે નિયમિત રીતે ઈડલી ખાઈને વજન નિયંત્રિત કરી શકો છો.
(નોધ: આરોગ્ય સંબંધિત લેખ વાચકના જ્ઞાન અને જાગૃતિ વધારવા માટે તૈયાર કરવામાં આવ્યો છે. ઉપરોક્ત લેખમાં દર્શાવેલ માહિતી વિશે વધુ વિગતો માટે તમારા ડોક્ટરની સલાહ લો.)
