જ્યોતિષશાસ્ત્ર અનુસાર શુક્ર ગ્રહ પ્રેમ, સૌંદર્ય, ધન, વૈભવ અને સુખ-સુવિધા પ્રદાન કરે છે. શુક્ર જ્યારે રાશિ પરિવર્તન કરે છે તો બધી જ રાશિ પર અલગ અલગ અસર પડે છે. શુક્રના રાશિ પરિવર્તનથી કેટલીક રાશિનું ભાગ્ય ચમકી જાય છે તો કેટલીક રાશિને નુકસાન સહન કરવું પડે છે. શુક્ર હવે 2 ડિસેમ્બરે પોતાના મિત્ર શનિની રાશિ મકરમાં ગોચર કરશે. શુક્રના મકર રાશિમાં પ્રવેશથી કેટલીક રાશિનું ભાગ્ય સાતમા આસમાને હશે. નવા વર્ષમાં આ રાશિના લોકોને ઘર, વાહન નવી જોબ સહિતની ખુશીઓ મળી શકે છે.
શુક્ર ગોચરથી આ રાશિઓને થશે લાભ
વૃષભ
શુક્રનું આ ગોચર વર્ષના છેલ્લા મહિનામાં થઈ રહ્યું છે તેના કારણે વૃષભ રાશીના લોકોના જીવનમાં ખુશીઓ આવશે. ઘણા સમયથી જે કામ પેન્ડિંગ હતા તે પૂરા થવા લાગશે. નવી નોકરી પણ મળી શકે છે. ચાલુ નોકરીમાં પગાર અને પદ બંને વધી શકે છે. કોર્ટમાં ચાલી રહેલા કેસનો અંત આવી શકે છે.
મિથુન
આ રાશિના લોકો માટે શુક્રનું ગોચર ફાયદાકારક સાબિત થશે. સમાજમાં માન સન્માન વધશે. કોઈ પુરસ્કાર પણ મળી શકે છે. પ્રોફેશનલ લાઈફ સારી રહેશે. વેપારી વર્ગ માટે સારો સમય. નવા વર્ષમાં વાહન કે સંપત્તિની ખરીદી થઈ શકે છે. પરિવારમાં માંગલિક કાર્ય થઈ શકે છે.
કુંભ
શુક્રનું ગોચર કુંભ રાશિ માટે પણ શુભ છે. ડિસેમ્બરના પહેલા સપ્તાહથી આ રાશિના લોકોને લાભ મળવાની શરૂઆત થઈ જશે. વૈવાહિક જીવનમાં સુખ મળશે. કાર્ય સ્થળ પર નવી જવાબદારી મળી શકે છે. અગાઉ કરેલા રોકાણથી મોટો ધન લાભ થઈ શકે છે. બિઝનેસમાં નફો વધશે. વિદેશ ફરવા જવાની તક મળી શકે છે.
(નોંધ: આ આપવામાં આવેલી માહિતી જ્યોતિષીય ગણનાઓ પર આધારિત છે, અમે અહીં આપેલા અંદાજિત તથ્યોની પુષ્ટિ કરતા નથી. પાલન કરતા પહેલા સબંધિત નિષ્ણાંતોની સલાહ લો.)
