સાંજની ચા હોય કે સવારનો નાસ્તો, રસ્ક ખાવા લગભગ બધાને પસંદ હોય છે. ઘણા લોકો તેને ટોસ્ટ પણ કહે છે, રસ્ક ખાવાથી પેટની ભુખ ફુલ ફિલ તો થાય જ છે પરંતુ તેનો ચટપટો સ્વાદ પણ ખાવામાં સારો છે. પરંતુ વાસ્તવમાં, આ રસ્ક જે ભૂખને દબાવી દે છે તે સ્વાસ્થ્યને પણ નુકસાન પહોંચાડે છે .
ખાસ કરીને જ્યારે ચા સાથે રસ્કનું મિશ્રણ હોય તો તે સ્વાસ્થ્ય માટે ખૂબ જ નુકસાનકારક સાબિત થઈ શકે છે. આનું નિયમિત સેવન સ્વાસ્થ્ય માટે હાનિકારક સાબિત થઈ શકે છે. રસ્કમાં વધારાનું ગ્લુટેન, રિફાઇન્ડ લોટ અને શુગર હોય છે, જે સ્વાસ્થ્ય માટે સારું માનવામાં આવતું નથી.
બ્લડ સુગર વધી શકે છે
રસ્ક ઘણી શારીરિક સમસ્યાઓનું કારણ બની શકે છે, આનું કારણ એ છે કે રિફાઇન્ડ તેલ, લોટ, ખાંડ, ગ્લુટેન, જેનો ઉપયોગ ઘણીવાર રસ્ક બનાવવા માટે થાય છે, તેની ગુણવત્તા સારી નથી. આ પ્રકારના રસ્કના સેવનથી બ્લડ શુગર લેવલ વધી શકે છે અને ડાયાબિટીસ થવાનો ખતરો રહે છે.
કબજિયાતની સમસ્યા
નિયમિતપણે રસ્ક ખાવાથી, તે તમારા આંતરડામાં ખરાબ બેક્ટેરિયાના વિકાસે છે, જે રોગપ્રતિકારક શક્તિને પણ નબળી બનાવી શકે છે. તેના કારણે પાચન સંબંધી સમસ્યાઓ થવાનું જોખમ પણ રહે છે. આ સાથે પોષક તત્વોનું શોષણ પણ યોગ્ય રીતે થતું નથી. રસ્ક વધુ ખાવાથી કબજિયાત થઈ શકે છે.
સ્થૂળતા
રસ્ક ખાવાથી ફુડ ક્રેવિંગ વધી જાય છે, જેના કારણે વજન વધવાનો ડર રહે છે. રસ્કમાં ખાંડ અને રિફાઇન્ડ લોટ વધારે હોવાથી તે સ્થૂળતાનું કારણ પણ બની શકે છે.
પોષક તત્વો નથી
રસ્કમાં કોઈ પોષક તત્વો નથી. રસ્ક રિફાઇન્ડ લોટમાંથી બનાવવામાં આવે છે, જેમાં ન તો ફાઇબર હોય છે અને ન તો અન્ય પોષક તત્વો હોય છે. ઉપરાંત, તેને વધુ સમય સુધી રહે તેવું બનાવવા માટે, તેમાં કેટલાક રસાયણો પણ ઉમેરવામાં આવે છે, જે સ્વાસ્થ્ય માટે હાનિકારક હોઈ શકે છે.
(નોંધ : આ લેખ માત્ર જાણકારી માટે છે. સ્વાસ્થ્ય સંબંધીત કંઇ પણ અનુસરતા પહેલા આપ આપના તબીબ અથવા તજજ્ઞોની સલાહ ખાસ લેવી.)
