14 એપ્રિલ, શુક્રવારે સૂર્ય દેવનું મેષ રાશિમાં ગોચર થશે. સૂર્યનું આ ગોચર મેષસંક્રાંતિના નામે ઓળખાય છે. પણ, સૂર્યના આ ગોચર પહેલા મેષ રાશિમાં બુધદેવ પહેલેથી જ બિરાજમાન છે. જેના કારણે આ બંન્નેની યુતિથી બુધાદિત્ય યોગનું નિર્માણ થઇ રહ્યું છે. આ કારણે લોકોના જીવનમાં ઘણા પ્રકારના પરિવર્તન આવશે.
આ યોગ વિવાહ અને કારકિર્દી જેવા પ્રશ્નોને સીધી જ અસર કરે છે.
આ રાશિ પરિવર્તનનો પ્રભાવ લગભગ એક મહિના સુધી રહેશે. આમ તો, સૂર્ય અને બુધની આ યુતિનો દરેક રાશિઓ પર સકારાત્મક તેમજ નકારાત્મક પ્રભાવ પડશે. પરંતુ, 3 રાશિઓ એવી પણ છે, કે જેને આ યુતિનો ભરપૂર સાથ મળશે. તેમના ભાગ્યના બંધ પડેલા દરવાજા પણ ખૂલી જશે ! તો ચાલો, જાણીએ બુધાદિત્ય યોગથી કઇ રાશિઓ બની શકે છે માલામાલ ?
મેષ રાશિ
મેષ રાશિના જાતકો માટે સૂર્ય અને બુધની આ યુતિ સંપત્તિ સાથે જોડાયેલ સમસ્યાનો ઉકેલ લાવશે. બુધાદિત્ય યોગ એટલે કે, બુધ-સૂર્યનું મિલન મેષ રાશિના જાતકો માટે ખૂબ જ અનુકૂળ સિદ્ધ થઇ શકે છે. આવકના સાધનો વધવાના યોગ છે. પૈસા સાથે જોડાયેલ પરેશાનીઓ ઓછી થવાની શક્યતા વર્તાઈ રહી છે. પોતાના શોખને વ્યવસાયમાં બદલવા માટે આ યોગ્ય સમય છે. પરંતુ, આ સમયે માથાનો દુઃખાવો તેમજ આંખ સંબંધિત સમસ્યા સર્જાઇ શકે છે.
કર્ક રાશિ
કારકિર્દી અને ધન સાથે સંબંધિત સૂર્ય-બુધની યુતિ કર્ક રાશિના જાતકો માટે ખૂબ જ શુભ તેમજ ફળદાયી બનશે. મનપસંદ સ્થાન પર સ્થળાંતરના યોગ બની રહ્યા છે. આપનો ભાગ્યોદય થશે. તમે હરિફ તેમજ શત્રુઓ પર હાવી રહેશો. જો લાંબા સમયથી કોઇ વાદ-વિવાદ ચાલી રહ્યો હોય તો તેનો ઉકેલ આવશે. ઉકેલ આપના પક્ષમાં જ આવે તેવી પ્રબળ શક્યતા વર્તાઈ રહી છે.
સિંહ રાશિ
સિંહ રાશિવાળા જાતકોને કારકિર્દીમાં નવા અવસર અને સફળતા મળશે. અટકેલા કાર્યો પૂર્ણ થશે. નવી વસ્તુઓ શીખવાની તક મળશે. યાત્રાના યોગ બનવાની પ્રબળ શક્યતા છે. સૂર્યનું આ ગોચર આપના માટે ખુશીઓ લઇને આવશે. ઓફિસમાં બઢતીના યોગ બને. આવકના સ્ત્રોત વધશે અને આવકમાં પણ વધારો થશે. આ સમય દરમિયાન મિત્રો અને સંબંધીઓનો સહયોગ પણ મળશે.
(નોંધ: અહીં આપવામાં આવેલી જાણકારી ધાર્મિક આસ્થાઓ અને લોક માન્યતાઓ પર આધારિત છે, જેનો કોઈ વૈજ્ઞાનિક આધાર નથી. સામાન્ય જનરૂચિને ધ્યાનમાં રાખીને આ લેખને અહીં પ્રસ્તુત કરવામાં આવ્યો છે.)
