દેવશયની એકાદશી પર રાશિ પ્રમાણે અપનાવો આ ઉપાય, જીવનમાં આવશે સમૃદ્ધિ

હિન્દુ ધર્મમાં અગિયારસ (એકાદશી)નું ખૂબ મહત્વ છે. એકાદશીને વિષ્ણુ ભગવાનની પૂજાનો દિવસ ગણવામાં આવે છે. અષાઢ મહિનાની એકાદશીને દેવશયની અગિયારસ કહેવામાં આવે છે. આ દિવસે વિષ્ણુ ભગવાન નિદ્રા અવસ્થામાં જતાં રહે છે અને 4 મહિના પછી ઉઠે છે. આ દિવસોમાં કોઈ શુભ કાર્યો થતા નથી. આ દિવસોમાં વિષ્ણુ ભગવાનની આરાધના શુભ ફળ આપે છે.

આજે અમે તમને રાશિ પ્રમાણે વિવિધ ઉપાયો સૂચવીશું જે તમારે આ દિવસે અચૂક કરવા જોઈએ. આ વર્ષે 29 જૂનના દિવસે દેવશયની અગિયારસ છે.

મેષ રાશિ
મેષ રાશિનો સ્વામી મંગળ છે, જેમને ઉર્જાના ગ્રહ માનવામાં આવે છે. જો તમે દેવશયની એકાદશીના દિવસે લાલ વસ્ત્રોમાં ભગવાન વિષ્ણુની પૂજા કરો છો અને તેમને તેમની પસંદગીની વસ્તુઓ ભોગ તરીકે ચઢાવો છો, તો તમારા જીવનમાં સમૃદ્ધિ આવશે. આ દિવસે તલ અને લાલ કપડાનું દાન કરો.

વૃષભ રાશિ
જો વૃષભ રાશિના લોકો આ દિવસે દેવી લક્ષ્‍મીની સાથે ભગવાન વિષ્ણુની પૂજા કરે અને ભોગ તરીકે મખણાની ખીર ચઢાવે તો તેમની બધી મનોકામનાઓ પૂર્ણ થઈ શકે છે. આ દિવસે કોઈપણ સફેદ મીઠાઈનું દાન કરો.

મિથુન રાશિ
દેવશયની એકાદશીના દિવસે મંદિરમાં ઘીનો દીવો કરવો તમારા માટે ખૂબ જ શુભ રહેશે. જો તમે આ દિવસે ઘરના મુખ્ય દરવાજા પર ઘીનો દીવો પ્રગટાવો છો તો ઘરમાં હંમેશા સમૃદ્ધિ બની રહે છે. આ દિવસે વસ્ત્રોનું દાન કરો.

કર્ક રાશિ
જો કર્ક રાશિના લોકો દેવશયની એકાદશીના દિવસે ઘરમાં લવિંગ કપૂર પ્રગટાવે તો ઘરમાંથી બધી નકારાત્મક શક્તિઓ દૂર થઈ શકે છે. આ દિવસે કોઈને નારિયેળ દાન કરો.

સિંહ રાશિ
સિંહ રાશિના જાતકોએ આ દિવસે તુલસીની વિશેષ પૂજા કરવી જોઈએ. જો તમે આ દિવસે તુલસીજીની આરતી કરો છો અને તેમને લાલ ચુંદડી ચઢાવો છો તો તે તમારા માટે ખૂબ જ શુભ રહેશે.

કન્યા રાશિ
જો તમે આ દિવસે પીળા વસ્ત્રોમાં ભગવાન વિષ્ણુની પૂજા કરશો તો તમને વિશેષ ફળ મળશે. આ દિવસે ભગવાન વિષ્ણુને પીળા ફૂલ ચઢાવો. આ સાથે જો તમે પીળા અનાજનું દાન કરશો તો તે તમારા માટે ફળદાયી રહેશે.

તુલા રાશિ
જો તુલા રાશિના લોકો આ દિવસે ગરીબોને જરૂરી વસ્તુઓ દાનમાં આપે તો તેમની બધી જ પરેશાનીઓ દૂર થઈ શકે છે. આ દિવસે ભગવાન વિષ્ણુને પીળી વસ્તુઓ અર્પણ કરો.

વૃશ્ચિક રાશિ
જો તમે આ દિવસે ઘરના ઈશાન ખૂણામાં દીવો પ્રગટાવો છો તો તમને શુભ ફળ મળી શકે છે. આ દિવસે દેવી લક્ષ્‍મીને સિંદૂર અને ભગવાન વિષ્ણુને હળદર ચઢાવો.

ધનુ રાશિ
જો ધનુ રાશિના લોકો દેવશયની એકાદશીના દિવસે સૂર્યને અર્ઘ્ય અર્પણ કરે અને સૂર્યના મંત્રોનો જાપ કરે તો તેમની મનોકામનાઓ પૂર્ણ થઈ શકે છે. આ દિવસે સરસવના તેલનું દાન કરો.

મકર રાશિ
જો મકર રાશિના લોકો આ દિવસે ધાન્યનું દાન કરે તો તેમને તમામ પાપોમાંથી મુક્તિ મળી શકે છે. જો તમે આ દિવસે ભગવાન વિષ્ણુને પીળી વસ્તુઓ અર્પણ કરશો તો તમારા ઘરમાં સમૃદ્ધિ આવશે.

કુંભ રાશિ
જો તમે દેવશયની એકાદશીના દિવસે ખાંડનું દાન કરશો તો તમને તેનો લાભ મળશે. આ દિવસે એકાદશીની કથાનો પાઠ કરો.

મીન રાશિ
જ્યોતિષ શાસ્ત્ર અનુસાર એકાદશીના દિવસે ચોખા ન ખાવાની સલાહ આપવામાં આવે છે. પરંતુ જો તમે આ દિવસે ચોખાનું દાન કરશો તો તમને ચોક્કસ ફાયદો થશે.

(નોંધ: અહીં આપવામાં આવેલી માહિતી ધાર્મિક માન્યતાઓ અને જાહેર માન્યતાઓ પર આધારિત છે, તેના માટે કોઈ વૈજ્ઞાનિક પુરાવા નથી. સામાન્ય જનતાના હિતને ધ્યાનમાં રાખીને અહીં રજૂ કરવામાં આવી છે.)