સપના પર કોઈપણ વ્યક્તિ કાબૂ મેળવી શકતી નથી. પહાડ-નદી, ભાગદોડ, મોત તથા અન્ય અલગ અલગ પ્રકારના સપના આવે છે. તમે ઘણી વાર સપનામાં મંદિર, તીર્થ યાત્રા તથા પૂજા પાઠ જોયું હશે. સપનામાં મંદિર દેખાવું તેનો સીધો અર્થ છે કે, તે આધ્યાત્મિકતા, ધાર્મિક વિશ્વાસ અને દૈવીય માર્ગદર્શન સાથે જોડાયેલ છે.
સ્વપ્ન શાસ્ત્ર અનુસાર સપનામાં મંદિર દેખાવું તે કોઈ સંકેત આપે છે. જો તમારા સપનામાં પણ અલગ અલગ મંદિર જોવા મળી રહ્યા છે? આવું શા માટે થાય છે, તે અંગે અહીંયા વિગતવાર જાણકારી આપવામાં આવી છે.
શાંત મંદિર દેખાવુ
લોકો મંદિરમાં શાંતિ મેળવવા માટે જાય છે. સપનામાં કોઈ મંદિર દેખાય અને ત્યાં બહુ જ શાંતિ દેખાય તો તે સંકેત આપે છે કે, તમે તમારી જિંદગીમાં ખૂબ જ પરેશાન છો. તમારે આરામ અને શાંતિની જરૂરી છે. ઉપરાંત તમારા જે પણ કામ અટકેલા છે, તે પૂર્ણ થવાનો સંકેત આપે છે.
સફેદ મંદિર દેખાવું
સપનામાં સફેદ મંદિર અથવા ધાર્મિક ઈમારત દેખાવી, તે સંકેત આપે છે કે, તમે આર્થિક પરેશાનીમાંથી પસાર રહ્યા છો. તમને દેવામાંથી છુટકારો મળશે. આ પ્રકારના સપના આર્થિક લાભ સૂચવે છે.
સપનામાં તરતુ મંદિર દેખાવું
તમને સપનામાં તરતુ મંદિર દેખાય તો તે શુભ સંકેત આપે છે. તમારું જે પણ બગડ્યું હશે, તે સુદરી જશે. તમને વારંવાર આ પ્રકારના સપના આવતા હોય તો ભવિષ્ય માટે ઈશ્વરને પ્રાર્થના કરો.
તમારે જે મંદિરે જવું સપનામાં તે મંદિર દેખાવું
તમે ઘણા સમયથી કોઈ મંદિર જવાનું વિચારી રહ્યા છો, પરંતુ જઈ નથી શકતા અને તે મંદિર સપનામાં દેખાય તો તમારે સમજી જવું જોઈએ કે, ટૂંક સમયમાં તે મંદિરમાંથી બુલાવો આવશે. ટૂંક સમયમાં તમારી મનોકામના પણ પૂર્ણ થઈ શકે છે.
સપનામાં મંદિરનો ઘંટ દેખાવો
સપનામાં મંદિરનો ઘંટ દેખાવો તે સંકેત આપે છે કે, તમારી પ્રાર્થના ભગવાન સુધી પહોંચી ગઈ છે અને ટૂંક સમયમાં તે ઈચ્છા પૂર્ણ થશે. તમારે ધીરજ અને આસ્થા રાખવાની રહેશે.
સપનામાં શિવજીનું મંદિર દેખાવું
અનેક વાર તમને સપનામાં શિવજીના કોઈ ધામનું સપનું આવ્યું હશે. જેનો અર્થ છે કે, શિવ તમારી ભક્તિ અને આસ્થાથી પ્રસન્ન છે. ટૂંક સમયમાં તમારી ઈચ્છા પૂર્ણ થશે. આ પ્રકારનું સપનું આવે તો શિવ મંદિર જઈને જળ અર્પણ કરવું જોઈએ.
સપનામાં મંદિરનો પ્રસાદ ગ્રહણ કરવો
સપનામાં તમં મંદિરનો પ્રસાદ ગ્રહણ કરી રહ્યા છો, તો તે સંકેત આપે છે કે, તમને તમારા સારા કર્મોનું ફળ પ્રાપ્ત થશે અને ઈશ્વરની તમારા પર અપાર કૃપા છે. ભગવાન તમારી મનોકામના પૂર્ણ કરવાનું વિચારી રહ્યા છે.
(નોંધઃ આ લેખ પ્રચલિત માન્યતાઓ પર આધારિત છે. તેના કોઈ વૈજ્ઞાનિક પુરાવા નથી. લોકોની જાણકારી માટે તેને અહીં રજૂ કરવામાં આવ્યો છે.)
