વાસ્તુ શાસ્ત્રમાં ઘણાબધા નિયમો જણાવવામાં આવ્યા છે. સામાન્યરીતે તમે જોયું હશે કે લોકો હેન્ડવોચને ઉંઘતા સમયે પોતાના તકિયા નીચે મુકતા હોય છે પરંતુ વાસ્તુ શાસ્ત્ર અનુસાર ઘડિયાળને ક્યારે પણ તકિયા નીચે મૂકવી ન જોઈએ.
ઘડિયાળને તકિયા નીચે રાખીને સૂવાથી તેનો અવાજ ઊંઘમાં ખલેલ પહોંચાડે છે, સાથે જ તેમાંથી નીકળતા ઈલેક્ટ્રોમેગ્નેટિક તરંગોની પણ આપણા મન અને હૃદય પર ખરાબ અસર પડે છે.
આ તરંગોને કારણે, આખા રૂમમાં નકારાત્મક ઉર્જા ઉત્પન્ન થાય છે, જે તમારી માનસિક શાંતિને ખલેલ પહોંચાડે છે અને મૂંઝવણ પેદા કરે છે. તમારી વિચારધારાને પણ નકારાત્મક બનાવે છે.
પલંગ પર પુસ્તક ન મૂકશો
વાસ્તુશાસ્ત્ર અનુસાર માથા નીચે પુસ્તક રાખીને સૂવાથી નકારાત્મક ઉર્જાનો પ્રભાવ વધે છે. તેની સાથે જીવનમાં પ્રગતિ પણ અટકી જાય છે. આ સિવાય પલંગ પર પુસ્તક અને પેન રાખીને સૂવાથી તમારી આર્થિક સ્થિતિ પર પણ અસર પડે છે. પૈસા ઉપરાંત, તે તમારા સ્વાસ્થ્યને પણ અસર કરી શકે છે.
દવાઓ દૂર રાખો
વાસ્તુશાસ્ત્રો અનુસાર, ઓશીકું નીચે દવાઓ રાખીને ક્યારેય સૂવું ન જોઈએ. આમ કરવાથી તમારી આસપાસ નકારાત્મક ઉર્જાનો સંચાર થાય છે. આ સાથે જ બીમારીઓ જીવનભર તમારો પીછો છોડતી નથી.
(નોંધ: અહીં આપવામાં આવેલી માહિતી ધાર્મિક માન્યતાઓ અને જાહેર માન્યતાઓ પર આધારિત છે, તેના માટે કોઈ વૈજ્ઞાનિક પુરાવા નથી. સામાન્ય જનતાના હિતને ધ્યાનમાં રાખીને અહીં રજૂ કરવામાં આવી છે.)
