ગરમીની સિઝનની શરુઆત સાથે કેટલાય પ્રકારના ખાસ ફળની બહાર લઈને આવે છે. જેના શાનદાર સ્વાદની સાથે સાથે તે કેટલીય રીતે લાભકારી હોય છે. આ સિઝનમાં આવતા ફળની લોકો આખું વર્ષ રાહ જોતા હોય છે. આમ તો આ સિઝનમાં આવતા સૌથી ખાસ ફળોના રાજા કેરી છે. પણ આજે અમે એક એવા ફળ વિશે વાત કરવા જઈ રહ્યા છીએ, જે આ સિઝનમાં માંડ 10થી 12 દિવસ બજારમાં આવે છે. તેના સ્વાદની વાત તો દૂર, કેટલાય લોકો આ ફળને જાણતા પણ નથી હોતા.
જોવામાં આ ફળ બોરના આકારનું અને તેના રંગ, રુપ પણ થોડા તેની જેવા જ હોય છે. આ ફળનું નામ ફાલસા છે, જે હજારમાં કપડામાં સુપાવીને વેચવામાં આવે છે. હકીકતમાં જોઈએ તો, આ ફળને તડકો જરાં પણ પસંદ નથી. તેની આવરદા એકથી બે દિવસ સુધીની હોય છે. એટલે કે બે દિવસમાં આ ફળ ખરાબ થઈ જાય છે.
તેની સૌથી મોટી ખાસિયત એ છે કે, તેને ખાતા જ બોડીમાં તરત તાકાત આવી જાય છે. ઠંડકથી આ ફળ એકદમ ભરપૂર છે અને તેમાં કેટલાય પોષક તત્વોનો ખજાનો છુપાયેલો છે. ફાયદામાં ફાલસા કેટલીય દિગ્ગજ ફળને પાછળ છોડી દે છે. સ્વાદમાં તે એકદમ ખાટા મીઠા લાગે છે અને ખાસ કરીને મહિલાઓને તો આ ફળ જોતા જ ખેંચી લે છે. ફાલસા મહિલાઓનું સૌથી પસંદગીનું ફળ છે.
ફાલસા બજારમાં ખાલી 20 દિવસ આવે છે. બજારમાં ગરમીના મે મહિનામાં આવે છે. શરીર માટે આ ફાલસા ખૂબ જ ફાયદાકારક અને ઠંડકથી ભરપૂર હોય છે. તેનું કહેવું છે કે, તમામ ફળોની તુલનામાં તેની અંદર ઠંડક સૌથી વધારે હોય છે. તેને ખાતા જ શરીરમાં ઠંડક આવી જાય છે.
કરૌલીમાં હાલમાં ફાલસા આગરાથી આવી રહ્યા છે. એક બે દિવસમાં ખરાબ થવાના કારણે તેની ગણતરી મોંઘા ફળોમાં થાય છે. ભાવમાં ફાલસાની આગળ સફરજન અને દાડમ પણ ફેલ છે. કરૌલીમાં હાલમાં ફાલસા 240 રૂપિયે કિલો વેચાય છે. વેપારીઓના જણાવ્યા અનુસાર, ફાલસા દર વર્ષે મોંઘા થાય છે. એટલા માટે તેને સફરજન અને દાડમથી પણ મોંઘા કહી શકાય છે.
ઠંડકની સાથે સાથે ફાલસા કેટલાય ઔષધિય ગુણોથી ભરપૂર હોય છે. કેટલાય પોષક તત્વો તેમાં ભરપૂર માત્રામાં જોવા મળે છે. સૌથી વધારે તેમાં વિટામિન સી જોવા મળે છે. આ ઉપરાંત મેગ્નીશિયમ, પોટેશિયમ, કાર્બોહાઈડ્રેટ અને આયરન પણ ભરપૂર જોવા મળે છે.
ડાયાબિટીઝના દર્દી માટે આ ફળ ખૂબ જ ફાયદાકારક છે. તેના સેવનથી બ્લડ શુગર પણ કંટ્રોલમાં રહે છે. તેની અંદર પાણીની માત્રા ખૂબ જ હોય છે. એટલા માટે તે શરીરમાં ગરમી ઘટાડી ઠંડકનો અનુભવ કરાવે છે.
(નોધ: આરોગ્ય સંબંધિત લેખ વાચકના જ્ઞાન અને જાગૃતિ વધારવા માટે તૈયાર કરવામાં આવ્યો છે. ઉપરોક્ત લેખમાં દર્શાવેલ માહિતી વિશે વધુ વિગતો માટે તમારા ડોક્ટરની સલાહ લો.)
