ગરમીમાં અનેક એવાં ફ્રૂટ એવાં આવે છે જે જોતાની સાથે ખાવાની ઇચ્છા થઇ જાય છે. આમ વાત કરવામાં આવે તો અષાઢી બીજ પહેલાં બજારમાં મસ્ત જાંબુ આવવા લાગે છે. આ જાંબુ જોતાંની સાથે લેવાની ઇચ્છા થઇ જાય છે. જાંબુ સ્વાદમાં મીઠાં હોય છે જેના કારણે નાના બાળકોથી લઇને મોટાં એમ દરેક લોકોને ભાવતાં હોય છે.
પરંતુ શું તમે જાણો છો તો જાંબુના પાન એના કરતાં પણ વધારે ગુણકારી હોય છે? જો કે આ વિશે બહુ ઓછા લોકો જાણતાં હશે. પરંતુ આજે અમે તમને જણાવીશું કે જાંબુના પાનનું સેવન કરવાથી કઇ બીમારીઓથી તમે દૂર રહો છો.
જાંબુ અનેક ગુણોથી ભરપૂર હોય છે. ખાસ કરીને જાંબુ, જાંબુના ઠળિયા અને જાંબુના પાન..આ ત્રણેય વસ્તુઓ ડાયાબિટીસના લોકો માટે અનેક રીતે ગુણકારી છે. ડાયાબિટીના લોકો જાંબુના પાનનું સેવન કરે છે તો અનેક રીતે ગુણકારી સાબિત થાય છે. જાંબુમાં એન્ટિ હાઇપરગ્લાયસેમિક ગુણ હોય છે સુગરને કંટ્રોલમાં કરવાનું કામ કરે છે. આ માટે તમે એક પાન ચાઓ છો તો તમને ફાયદો થાય છે. જો કે આ માટે એકવાર ડોક્ટરની સલાહ લેવી જરૂરી છે.
આ પાન માત્ર સુગર જ નહીં, પરંતુ હાર્ટ માટે પણ હેલ્ધી સાબિત થાય છે. આજનાં આ સમયમાં વાત કરવામાં આવે તો અનેક લોકોને નાની ઉંમરમાં હાર્ટને લગતી તકલીફો થતી હોય છે. આમ, જાંબુના પાનમાં પોટેશિયમ હોય છે જે તમે રેગ્યુલર ચાવવાની આદત પાડો છો તો બ્લડ પ્રેશર કંટ્રોલમાં રહે છે જેના કારણે હાર્ટ સ્વસ્થ રહે છે.
બહારનું ખાવાનું ચલણ દિવસેને દિવસે ખૂબ વધતું જાય છે. આ કારણે મોટાભાગના લોકોને પાચનને લગતી અનેક તકલીફો થાય છે. પાચન તંત્રમાં ગડબડ હોય તો તમે ઝડપથી અનેક બીમારીઓનો શિકાર બની શકો છો. આમ, તમને પાચનને લગતી કોઇ તકલીફ છે અને તમે જાંબુના પાન દરરોજ એકથી બે ચાવવાની આદત પાડો છો તો મળ સરળતાથી નીકળી જાય છે.
તમારા મોંમાંથી વાસ આવે છે તેમજ દાંતને લગતી કોઇ તકલીફ છે તો તમે જાંબુના પાન ચાવવાની આદત પાડો. જાંબુના પાન તમને એસિડિટીમાંથી પણ રાહત અપાવે છે.
(નોધ: આરોગ્ય સંબંધિત લેખ વાચકના જ્ઞાન અને જાગૃતિ વધારવા માટે તૈયાર કરવામાં આવ્યો છે. ઉપરોક્ત લેખમાં દર્શાવેલ માહિતી વિશે વધુ વિગતો માટે તમારા ડોક્ટરની સલાહ લો.)
