ઉર્જા, સાહસ, પરાક્રમ, ઈચ્છા શક્તિ અને નેતૃત્વના ગુણનો કારક મંગળ ગ્રહ જ્યારે રાશિ પરિવર્તન કે નક્ષત્ર પરિવર્તન કરે છે તો દરેક વ્યક્તિના જીવન પર તેની અસર જોવા મળે છે. ગ્રહોમાં મંગળને સેનાપતિ માનવામાં આવે છે. મંગળના નક્ષત્ર પરિવર્તનથી પણ મોટી ઊથલપાથલ સર્જાતી હોય છે. આવું જ નક્ષત્ર પરિવર્તન મંગળ કરશે.
શનિવાર અને 27 જુલાઈએ મંગળ સૂર્યના કૃતિકા નક્ષત્રમાંથી નીકળી, ચંદ્રના રોહિણી નક્ષત્રમાં પ્રવેશ કરશે. મંગળના નક્ષત્ર પરિવર્તનની સકારાત્મક અસર અનેક રાશિઓ પર જોવા મળશે. પરંતુ રાશિચક્રની ત્રણ રાશીઓ એવી છે જેમને મંગળનું નક્ષત્ર પરિવર્તન વિશેષ લાભ કરાવશે. તો ચાલો તમને જણાવીએ આ ત્રણ રાશિ કઈ છે અને તેમને કેવા લાભ થશે ?
મંગળના ગોચરથી આ રાશિના લોકોને થશે લાભ
મેષ
મેષ રાશિનો સ્વામી ગ્રહ મંગળ છે. મંગળના રોહિણી નક્ષત્રમાં પ્રવેશ કરવાથી આ રાશિના લોકોને નેતૃત્વ ક્ષમતા વધશે. વિદ્યાર્થીઓને કરિયરમાં પ્રગતિ થશે. કાર્ય સ્થળ પર સિનિયરનો સહયોગ પ્રાપ્ત થશે. વેપારીઓને વ્યવસાયમાં લાભ થવાની સંભાવના નવી યોજનાઓ શરૂ કરવા માટે ઉત્તમ સમય. નોકરી કરતા લોકોને પ્રમોશન મળી શકે છે.
સિંહ
ભાગ્યનો સાથ મળશે. સાહસ, આત્મવિશ્વાસ અને પરાક્રમમાં વૃદ્ધિ થશે. લાંબા સમયથી અટકેલા કામ પુરા થશે. જે પ્રયાસ કરી રહ્યા હતા તે કામ સફળ થશે. અચાનક ધન લાભ થવાની સંભાવના. શેર બજાર કે લોટરીથી ધન પ્રાપ્ત થશે. સરકારી નોકરી કરતા લોકોને વાહન સુખ પ્રાપ્ત થઈ શકે છે.
તુલા
વેપારીઓને વેપારથી જબરદસ્ત આર્થિક લાભ થવાની સંભાવના. બિઝનેસનો વિસ્તાર થશે. નોકરી કરતા લોકોને કાર્યક્ષેત્રમાં સફળતા મળશે. ઉપરી અધિકારીઓ કાર્યથી ખુશ રહેશે. વિદ્યાર્થીઓ માટે સારો સમય. કારકિર્દીમાં નવી યોજનાઓ સફળ થશે. નોકરીમાં પ્રગતિ થશે. આ સમય દરમિયાન આવક વધવાની સંભાવના. મન પ્રસન્ન રહેશે. પારિવારિક સુખ ઉત્તમ રહેશે.
(નોંધ: આ આપવામાં આવેલી માહિતી જ્યોતિષીય ગણનાઓ પર આધારિત છે, અમે અહીં આપેલા અંદાજિત તથ્યોની પુષ્ટિ કરતા નથી. પાલન કરતા પહેલા સબંધિત નિષ્ણાંતોની સલાહ લો.)
