ગ્રહોના રાજા સૂર્ય દેવ ચોક્કસ સમય બાદ ચાલમાં પરિવર્તન કરે છે. તેનો પ્રભાવ 12 રાશિના જાતકોની સાથે દેશ-દુનિયા, હવામાન અને પ્રકૃતિ પર પણ જોવા મળે છે. જ્યોતિષ શાસ્ત્ર અનુસાર સૂર્ય દેવ વર્તમાનમાં સ્વાતિ નક્ષત્રમાં બિરાજમાન છે. જ્યોતિષ ગણના પ્રમામે સૂર્ય 6 નવેમ્બરે સવારે 8 કલાક 56 મિનિટ પર વિશાખા નક્ષત્રમાં પ્રવેશ કરશે. સૂર્યનું નક્ષત્ર પરિવર્તન ત્રણ રાશિઓ માટે શુભ માનવામાં આવી રહ્યું છે. આ રાશિના જાતકોને શુભ ફળ મળશે.
મેષ
સૂર્યનું નક્ષત્ર પરિવર્તન મેષ રાશિના લોકોના આત્મવિશ્વાસમાં વધારો કરશે. નોકરી કરનાર જે જાતકોનું પ્રમોશન થયું નથી, તેને શુભ સમાચાર મળી શકે છે. આ લોકોનો પગાર વધવાનો યોગ પણ બની શકે છે. ધાર્મિક કાર્યોમાં રૂચિ વધશે. દાંપત્ય જીવનની સમસ્યાઓ દૂર થશે અને જીવનસાથી સાથે સંબંધ સારા થશે. માનસિક સ્વાસ્થ્ય પહેલાથી સારૂ રહેશે.
સિંહ
સિંહ રાશિના જે જાતકો વેપાર કરે છે તેના માટે સમય સારો રહેશે. આ સમયમાં કોઈ નવી ડીલ થશે, જેનાથી સારો નફો થશે. ભૌતિક સુખ-સુવિધામાં વધારો થશે. જો કોઈ કાર્ય ઘણા સમયથી અટવાયેલું છે તો તે પૂરુ થશે અને સફળતા મળશે. રોકાણ કરવાથી સારા પરિણામ મળશે. ધનલાભનો યોગ બનશે, જેનાથી આર્થિક સ્થિતિ મજબૂત થશે.
વૃશ્ચિક
સૂર્યનું નક્ષત્ર પરિવર્તન વૃશ્ચિક રાશિના લોકો માટે શુભ રહેશે. નોકરી કરી રહેલા લોકોને પગાર વધારાના સારા સમાચાર મળી શકે છે. કાર્યક્ષેત્રમાં પ્રગતિનો યોગ બનશે. જે લોકો કુંવારા છે તેને લગ્નનો પ્રસ્તાવ મળી શકે છે. જો કોઈ દેવું છે તો તે પૂરુ થઈ શકે છે. વિદ્યાર્થીઓ માટે સમય સારો રહેવાનો છે. મહેનતનું ફળ મળશે. પારિવારિક સંબંધ મજબૂત થશે.
(નોંધ: આ આપવામાં આવેલી માહિતી જ્યોતિષીય ગણનાઓ પર આધારિત છે, અમે અહીં આપેલા અંદાજિત તથ્યોની પુષ્ટિ કરતા નથી. પાલન કરતા પહેલા સબંધિત નિષ્ણાંતોની સલાહ લો.)
